കോഴിക്കോട്: ജനുവരി 9 ന് ആരംഭിക്കുന്ന കലിംഗ സൂപ്പര് കപ്പ് ടൂര്ണമെന്റിനായി ഗോകുലം കേരള എഫ്സി ഭുവനേശ്വറിലേക്ക് . ഐലീഗിന്റെ ജനുവരി ഇടവേളയില് ടീമിന്റെ പെര്ഫോമന്സ് മിനുക്കിയെടുക്കാന് മികച്ച അവസരമാണ് കലിംഗ സൂപ്പര് കപ്പ്.
ഗ്രൂപ്പ് സിയില്, ഗോകുലം കേരള എഫ്സി ജനുവരി 11 ന് മുംബൈ സിറ്റിക്കെതിരെയും ജനുവരി 16 ന് ചെന്നൈയിന് എഫ്സിക്കെതിരെയും ജനുവരി 21 ന് പഞ്ചാബ് എഫ്സിക്കെതിരെയും മത്സരിക്കും . ടീമിന്റെ മികച്ച പ്രകടനം ആവശ്യപ്പെടുന്ന ഓരോ മത്സരവും സവിശേഷമായ വെല്ലുവിളി ഉയര്ത്തുന്നു.
മുഹമ്മദന് സ്പോര്ട്സ് ക്ലബ്ബ് ക്യാപ്റ്റനായ സെര്ബിയയില് നിന്നുള്ള മിഡ്ഫീല്ഡര് നിക്കോള സ്റ്റൊയനോവിച്ചിനെ ഗോകുലം ടീമിലെത്തിച്ചിട്ടുണ്ട്. അത് ടീമിനെ ശക്തിപ്പെടുത്തുമെന്നും ടീമിന്റെ മധ്യനിരക്ക് ആഴവും അനുഭവപരിചയവും നല്കുമെന്നും പ്രതീക്ഷിക്കുന്നു.
നിലവില് ലീഗില് ആറാം സ്ഥാനത്തുള്ള ഗോകുലം കേരള എഫ്സി ഒന്നാമതുള്ള മുഹമ്മദന്സ് എസ്സിയുമായി 10 പോയിന്റിന് പിന്നിലാണ്.
