Sorry, you need to enable JavaScript to visit this website.

നമസ്‌കരിക്കാന്‍ പഠിച്ചിട്ടുണ്ട്, നോമ്പും എടുക്കാറുണ്ട്- അനു സിത്താരയുടെ വാക്കുകള്‍ വീണ്ടും വൈറല്‍

കൊച്ചി- വീട്ടിലെ മതനിരപേക്ഷതയെ കുറിച്ച് തുറന്നു പറഞ്ഞ് മലയാള സിനിമയിലെ മുന്‍നിര നായികമാരിലൊരാളായ അനു സിത്താര. നേരത്തെ വെളിപ്പെടുത്തിയതാണെങ്കിലും സമൂഹ മാധ്യമങ്ങള്‍ വീണ്ടും ഏറ്റുപിടിച്ചിരിക്കയാണ്.
താന്‍ ഒരു പാതി മുസ്ലീം ആണെന്നാണ് അനു പറയുന്നത്. ഉപ്പ അബ്ദുള്‍ സലാം, അമ്മ രേണുക. അച്ഛന്റെയും അമ്മയുടെയും പ്രണയ വിവാഹം ആയിരുന്നു. ഇരു വീട്ടുകാരും തമ്മില്‍ വലിയ തര്‍ക്കങ്ങള്‍ ഒക്കെ ഉണ്ടായിരുന്നുവെങ്കിലും അനു ജനിച്ചതോടെ അതെല്ലാം മാറി. രണ്ട് വീട്ടുകാരും ഒരുമിച്ചു. പിന്നെ ആഘോഷങ്ങള്‍ എല്ലാം ഒന്നായി.
ഉപ്പയുടെ ഉമ്മ അനു സിത്താരയെയും സഹോദരി അനു സൊനാരയെയും നിസ്‌കരിക്കാനൊക്കെ പഠിപ്പിച്ചിട്ടുണ്ട്. നോമ്പ് കാലത്ത് കൃത്യമായി വ്രതം എടുക്കാറുണ്ട്. തന്റെ എസ് എസ് എല്‍ സി സര്‍ട്ടിഫിക്കറ്റില്‍ എല്ലാം മതം മുസ്ലീം എന്ന് തന്നെയാണ് കൊടുത്തിരിക്കുന്നതെന്നും അനു സിത്താര പറയുന്നു.
അനുവിന്റെ ഭര്‍ത്താവ് ഹിന്ദുവാണ്. വിഷ്ണു പ്രസാദുമായുള്ള അനു സിത്താരയുടെ വിവാഹവും പ്രണയ ബന്ധത്തിലൂടെയാണ്. വിവാഹത്തിന് ശേഷമാണ് അനു സിനിമയിലേക്ക് വന്നതും. അനു മുസ്ലീം ആചാരങ്ങളും ഹിന്ദു ആചാരങ്ങളും പാലിക്കാറുണ്ട്. വീട്ടിലെ ആഘോഷങ്ങള്‍ക്കെല്ലാം  പ്രത്യേകതയുണ്ടായിരുന്നു.  വിഷു, ഓണം ഒക്കെ വരുമ്പോള്‍ മലബാര്‍ സൈഡില്‍ എത്രയൊക്കെ സദ്യ വിളമ്പിയാലും എന്തെങ്കിലും ഒരു നോണ്‍ വെജും നിര്‍ബന്ധമാണ്. അത്തരം ആഘോഷങ്ങളില്‍ അടുക്കളയില്‍ നിന്ന് ഒരിടത്ത് നിന്ന് അമ്മൂമ്മ സദ്യ ഉണ്ടാക്കുമ്പോള്‍ അപ്പുറത്തെ സൈഡില്‍ നിന്ന് ഉമ്മൂമ്മ ബിരിയാണിയും ഉണ്ടാക്കുന്നുണ്ടാവും. പെരുന്നാളിനും നോണ്‍വെജ് ഉമ്മുമ്മ ഉണ്ടാക്കിയാല്‍ വെജ് ഐറ്റംസ് അമ്മമ്മയുടെ വകയായിരിക്കും.

കൂടുതല് വായിക്കുക

ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)

 

Latest News