കൊച്ചി- പ്രേക്ഷകര് ആകാംക്ഷയോടെ കാത്തിരിക്കുന്ന ബ്ലെസ്സിയുടെ പൃഥ്വിരാജ് ചിത്രം ആടുജീവിതത്തിന്റെ റിലീസ് നേരത്തെ ആക്കിയേക്കുമെന്ന് റിപ്പോര്ട്ട്. ചിത്രം മാര്ച്ച് 28ന് തിയേറ്ററുകളില് എത്തുമെന്നാണ് സൂചന.
ബെന്യാമിന്റെ 'ആടുജീവിത'ത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. അതുകൊണ്ടുതന്നെ പ്രവാസികളും ആടുജീവിതത്തെ കുറിച്ചുള്ള വാര്ത്തകള് ഏറ്റുപിടിക്കുന്നു.
ജോര്ദാനിലെ സിനിമയുടെ ചിത്രീകരണ സമയത്തുള്ള വീഡിയോ അണിയറപ്രവര്ത്തകര് ഈയിടെ പുറത്തുവിട്ടിരുന്നു. പൃഥ്വിരാജിന്റെ കരിയറിലെ തന്നെ ഏറ്റവും വലിയ സിനിമയാണ് ആടുജീവിതം.
വിഷ്വല് റൊമാന്സിന്റെ ബാനറിലാണ് ചിത്രം എത്തുന്നത്. അമല പോളാണ് നായിക. ജിമ്മി ജീന് ലൂയിസ്, കെ.ആര്. ഗോകുല്, അറബ് അഭിനേതാക്കളായ താലിബ് അല് ബലൂഷി, റിക്കബി എന്നിവരാണ് ചിത്രത്തിലെ മറ്റുപ്രധാന കഥാപാത്രങ്ങളെ അവതരിപ്പിക്കുന്നത്. മലയാളത്തിനു പുറമേ ഹിന്ദി, തമിഴ്, തെലുഗ്, കന്നഡ എന്നീ ഭാഷകളിലും ചിത്രം ഒരുങ്ങുന്നുണ്ട്. സുനില് കെ.എസ്. ആണ് ഛായാഗ്രഹണം, എഡിറ്റിംഗ് ശ്രീകര് പ്രസാദ്.
