കുവൈത്ത്‌സിറ്റി-വിവിധ ആവശ്യങ്ങൾക്കായി വ്യാജ സർട്ടിഫിക്കറ്റുകൾ നിർമിച്ചുനൽകിയ സംഘം പിടിയിൽ. പൂർണ അനുമതിയില്ലാതെ പ്രവർത്തിച്ച വിദ്യാഭ്യാസ സ്ഥാപനത്തിൽ കോമേഴ്‌സ് ഇൻസ്‌പെക്ടർമാർ നടത്തിയ പരിശോധനയിലാണ് വ്യാജ സർട്ടിഫിക്കറ്റുകളും നിർമാണ സാമഗ്രികളും പിടിച്ചെടുത്തത്.
4,000 കുവൈത്ത് ദീനാർ വാങ്ങിയാണ് ആവശ്യക്കാർക്ക് വ്യാജ സർട്ടിഫിക്കറ്റ് നിർമിച്ചുനൽകിയിരുന്നത്.തുക ഗഡുക്കളായി അടക്കാനുള്ള സൗകര്യവും സ്ഥാപനം ഒരുക്കിയിരുന്നു. പരിശോധനയിൽ പതിനഞ്ചോളം സർട്ടിഫിക്കറ്റുകൾ വിതരണം ചെയ്തതായി കണ്ടെത്തി. അനധികൃതമായി സർട്ടിഫിക്കറ്റ് നേടിയവരുടെ വിവരങ്ങളും വിശദാംശങ്ങളും ബന്ധപ്പെട്ട അധികാരികൾക്ക് കൈമാറും. പിടികൂടിയ പ്രതികളെ കൂടുതൽ നിയമ നടപടികൾക്കായി കൈമാറിയതായി അധികൃതർ അറിയിച്ചു.
