കൊച്ചി- 'ഉപ്പും മുളകും' ജനപ്രിയ പരിപാടിയിലൂടെ അച്ഛനും മകളുമായി പ്രേക്ഷകര്‍ക്ക് മുന്നില്‍ നിറഞ്ഞാടിയ ബിജു സോപാനവും ശിവാനി മേനോനും ആദ്യമായി ഒന്നിച്ചെത്തുന്ന ചിത്രം റാണിയിലെ ആദ്യ ഗാനം റിലീസായി. നിരവധി താരങ്ങളുടെയും ടെക്‌നീഷ്യന്‍മാരുടേയും പേജുകളിലൂടെയാണ് ഗാനം റിലീസ് ചെയ്തത്.
സിനിഹോപ്‌സ് ഒടിടി ആണ് ചിത്രത്തിന്റെ മ്യൂസിക് റൈറ്റ്‌സ് സ്വന്തമാക്കിയിരിക്കുന്നത്. സൂപ്പര്‍സ്റ്റാര്‍ സിനിമകള്‍, കലാമൂല്യമുള്ള ലോകോത്തര സിനിമകള്‍ എന്നിവ പ്രേക്ഷകര്‍ക്ക് ഈ ഒടിടിയിലൂടെ ഉടന്‍ തന്നെ വീക്ഷിക്കാനാവും. സിനിമകള്‍ക്ക് പുറമേ മ്യൂസിക് റൈറ്റ്‌സ്, ഷോര്‍ട്ട് ഫിലിം, ആല്‍ബം, വെബ് സീരീസ് എന്നിവയും ഓടിടിയുടെ ഭാഗമാണ്.
എസ്. എം. ടി പ്രൊഡക്ഷന്‍സ്, റഷാജ് എന്റര്‍ടെയിന്‍മെന്റ്‌സ് എന്നീ ബാനറുകളില്‍ ബിനു ക്രിസ്റ്റഫര്‍, അബ്ദുല്‍ റഷീദ്, മണികുട്ടന്‍ വി. ഡി എന്നിവര്‍ ചേര്‍ന്ന് നിര്‍മ്മിച്ച് നിസാമുദ്ദീന്‍ നാസര്‍ സംവിധാനം ചെയ്യുന്ന സിനിമ ഫാമിലി എന്റര്‍ടെയ്‌നര്‍ സ്വഭാവത്തിലുള്ളതാണ്. ചിത്രത്തിന്റെ കഥ മണി എസ് ദിവാകര്‍, നിസാമുദ്ദീന്‍ നാസര്‍ എന്നിവരുടേതാണ്.
ജയന്‍ ചേര്‍ത്തല, കുളപ്പുള്ളി ലീല, മഖ്ബൂല്‍ സല്‍മാന്‍, കണ്ണന്‍ പട്ടാമ്പി, അന്‍സാല്‍ പള്ളുരുത്തി, റിയാസ് പത്താന്‍, ജെന്‍സന്‍ ആലപ്പാട്ട്, കവിത ബൈജു, ദാസേട്ടന്‍ കോഴിക്കോട്, ആരോമല്‍ ബി. എസ്, രഞ്ജന്‍ ദേവ്, ശ്രീദേവ് പുത്തേടത്ത് എന്നിവരും അഭിനയിക്കുന്നു.
മണിസ് ദിവാകര്‍, സയീദ് അലി, പ്രദീപ് പുത്തേടത്ത്, സജിഷ് ഫ്രാന്‍സിസ് എന്നിവരാണ് സഹനിര്‍മ്മാതാക്കള്‍. അരവിന്ദ് ഉണ്ണി ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റര്‍ വി. ഉണ്ണികൃഷ്ണനാണ്. ഹൈ ഹോപ്‌സ് ഫിലിം ഫാക്ടറി ആണ് ചിത്രം തിയേറ്ററുകളില്‍ എത്തിക്കുന്നത്.
സംഗീതം: രാഹുല്‍രാജ് തോട്ടത്തില്‍, ബി. ജി. എം: ധനുഷ് ഹരികുമാര്‍, ചീഫ് അസോസിയേറ്റ് ഡയറക്ടര്‍: മുനീര്‍ പൊന്നല്പ്, പി. ആര്‍. ഒ: പി. ശിവപ്രസാദ്.
