മുംബൈ- മുംബൈയിലെ പ്രശസ്തമായ ക്രാഫോര്‍ഡ് മാര്‍ക്കറ്റില്‍ വെച്ച് സൗദി വനിതാ ടൂറിസ്റ്റിനെ പോക്കറ്റടിച്ച മൂന്നംഗ വനിതാ സംഘത്തെ മുംബൈ പോലീസ് അറസ്റ്റ് ചെയ്തു. മാര്‍ക്കറ്റില്‍ വെച്ച് സൗദി വനിതയുടെ വാനിറ്റി ബാഗില്‍ നിന്ന് പണവും വിലപിടിച്ച വസ്തുക്കളും സംഘം കവരുകയായിരുന്നു. 22, 45, 40 വയസ് വീതം പ്രായമുള്ള വനിതകളാണ് അറസ്റ്റിലായത്.
സൗദി ടൂറിസ്റ്റിന്റെ വാനിറ്റി ബാഗ് ബ്ലേഡ് ഉപയോഗിച്ച് കീറിയാണ് സംഘം പണവും വിലപിടിച്ച വസ്തുക്കളും കവര്‍ന്നത്.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
പണവും വിലപിടിച്ച വസ്തുക്കളും പോക്കറ്റടിക്കപ്പെട്ടതായി വ്യക്തമായ സൗദി യുവതി ഇതേ കുറിച്ച് പോലീസില്‍ പരാതി നല്‍കുകയായിരുന്നു. പ്രദേശത്തെ സി.സി.ടി.വി ദൃശ്യങ്ങള്‍ പരിശോധിച്ചതില്‍ നിന്ന് മൂന്നംഗ സംഘം വനിതാ ടൂറിസ്റ്റിന്റെ ബാഗില്‍ നിന്ന് പണവും മറ്റും കവര്‍ന്നതായി വ്യക്തമായി. തുടര്‍ന്നാണ് കവര്‍ച്ചക്ക് പിന്നില്‍ പ്രവര്‍ത്തിച്ച സംഘത്തെ അറസ്റ്റ് ചെയ്തത്. സമാന രീതിയില്‍ നിരവധി കവര്‍ച്ചകളും പോക്കറ്റടികളും സംഘം നടത്തിയതായി അന്വേഷണത്തില്‍ വ്യക്തമായി. സ്ത്രീകളും വയോജനങ്ങളും കുട്ടികളുമായിരുന്നു സംഘത്തിന്റെ പ്രധാന ഇരകള്‍. മോഷണവും പോക്കറ്റടിയും പതിവാക്കിയ സംഘം ആഡംബര ജീവിതമാണ് നയിച്ചിരുന്നത്.
