കുവൈത്ത് സിറ്റി- രാജ്യത്ത് ബയോമെട്രിക് വിവരശേഖരണം പൂർത്തിയായി.മെയ് 12-ന് ആരംഭിച്ച പദ്ധതിയിൽ ഒരു ദശലക്ഷത്തിലധികം സ്വദേശികളുടെയും വിദേശികളുടെയും ബയോമെട്രിക് വിരലടയാള ശേഖരണം പൂർത്തിയാക്കിതായി ആഭ്യന്തര മന്ത്രാലയം അറിയിച്ചു .പുതിയ സംവിധാനം കാര്യക്ഷമമായും സുഗമമായും പ്രവർത്തിക്കുന്നുണ്ടെന്നും എല്ലാ അതിർത്തി പോസ്റ്റുകളിലും അതിന്റെ പ്രവർത്തനം സുഗമമാക്കാനുള്ള ശ്രമങ്ങൾ തുടരുന്നുവെന്നും മന്ത്രാലയം വ്യക്തമാക്കി.പൗരന്മാർ,വിദേശികൾ,ഗൾഫ് കോ-ഓപ്പറേഷൻ കൗൺസിൽ പൗരന്മാർ എന്നിവരുടെ വിരലടയാളമാണ് ശേഖരിക്കുന്നത്.കുവൈത്തിൽ താമസിക്കുന്ന 18 വയസും അതിൽ കൂടുതലുമുള്ള വ്യക്തികളെ ഉൾക്കൊള്ളുന്ന സമഗ്രമായ ഒരു ഡാറ്റാബേസ് സ്ഥാപിക്കുന്നതിന് ബയോമെട്രിക് ഫിംഗർപ്രിന്റ് പ്രോജക്റ്റ് ഗണ്യമായ സംഭാവന നൽകുന്നുവെന്ന് ആഭ്യന്തര മന്ത്രാലയം ഔദ്യോഗിക പ്രസ്താവനയിൽ വ്യക്തമാക്കി.
