തൊടുപുഴ- പോളിടെക്‌നിക് വിദ്യാര്‍ഥി 0.8 ഗ്രാം എം.ഡി.എം.എയുമായി പിടിയില്‍. കോളേജ് വിദ്യാര്‍ഥികള്‍ക്ക് ലഹരിയെത്തിച്ച് നല്‍കിയ ആലപ്പുഴ എഴുപുന്ന റെയില്‍വേ ട്രാക്ക് ഭാഗത്ത് പേനാരി വീട്ടില്‍ അമല്‍ ജ്യോതിയാണ് പോലീസിന്റെ പിടിയിലായത്.
ഇയാളെ പാപ്പൂട്ടിഹാളിന് സമീപത്ത് നിന്നാണ് പിടികൂടിയത്. പ്രതി കച്ചവടം നടത്തിയിരുന്ന ലോഡ്ജുകളിലും ഹോസ്റ്റലുകളിലും പോലീസ് പരിശോധന നടത്തി.
വാട്‌സ്ആപ്പ് വഴിയാണ് ഇയാള്‍ ഇടപാടുകള്‍ നടത്തിയത്. ആണ്‍കുട്ടികള്‍ക്കും പെണ്‍കുട്ടികള്‍ക്കും ആവശ്യാനുസരണം ഹോസ്റ്റലുകളില്‍ ലഹരി എത്തിച്ചു നല്‍കിയിരുന്നു. അമലിനെ ഒരു മാസം മുന്‍പ് എക്‌സൈസ് സംഘം ലഹരിയുമായി പിടികൂടിയിരുന്നു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
