ദോഹ- ലോകകപ്പിന് ഫ്േളാട്ടിംഗ് ഹോട്ടലായി മൂന്നാമത്തെ ക്രൂയിസ് കപ്പലും ഖത്തറിലെത്തി. എം.എസ്.സി ഓപ്പറയാണ് ദോഹയിലെത്തിയത്. ലോകകപ്പിനെത്തുന്ന ഫുട്‌ബോള്‍ ആരാധകര്‍ക്ക് ആഡംബര താമസം നല്‍കുന്ന ഫ് ളോട്ടിംഗ് ഹോട്ടലായ എംഎസ് സി ഓപ്പറ നേരത്തെ ദോഹ തുറമുഖത്ത് എത്തിയ വേള്‍ഡ് യൂറോപ്പ, പോസിയ എന്നിവയോടൊപ്പം ചേരും.
ലോക കപ്പ് ആരാധകര്‍ക്ക് കടലിന് അഭിമുഖമായി നില്‍ക്കുന്ന പരമ്പരാഗത ക്യാബിനുകള്‍ മുതല്‍ ബാല്‍ക്കണികളും ആഡംബര സ്യൂട്ടുകളുമുള്ള മുറികള്‍ വരെ വൈവിധ്യമാര്‍ന്ന റൂം ഓപ്ഷനുകളുള്ള ഓപ്പറ വാഗ്ദാനം ചെയ്യുന്നു, കൂടാതെ ഒന്നിലധികം ഡൈനിംഗും എല്ലാ പ്രായക്കാര്‍ക്കും അനുയോജ്യമായ വിനോദ പരിപാടികളും ഈ ക്രൂയിസ് ഷിപ്പില്‍ ഒരുക്കിയിട്ടുണ്ട്.
275 മീറ്റര്‍ നീളത്തിലും 32 മീറ്റര്‍ വീതിയിലും, 13 ഡെക്ക് എംഎസ്സി ഓപ്പറയില്‍ 1,075 മുറികളുള്ള ഏകദേശം 2,679 പേര്‍ക്ക് താമസിക്കാന്‍ കഴിയും.
ഫിഫ 2022 ലോകകപ്പ് ഖത്തറിന്റെ ആരാധകര്‍ക്കായി ഖത്തര്‍ നല്‍കുന്ന നിരവധി സൗകര്യങ്ങളില്‍ ഒന്നാണ് ഫ്‌ളോട്ടിംഗ് ഹോട്ടലുകള്‍, ടൂര്‍ണമെന്റിലുടനീളം ഒന്നിലധികം ബുക്കിംഗ്, താമസ സൗകര്യങ്ങള്‍ എന്നിവ വാഗ്ദാനം ചെയ്യുന്ന ഫിഫ 2022 ലോകകപ്പ് എല്ലാനിലക്കും വ്യത്യസ്തമാവുകയാണ്
ഫ്‌ളോട്ടിംഗ് ഹോട്ടലുകളില്‍ താമസവും വിനോദ സേവനങ്ങളും വാഗ്ദാനം ചെയ്യുന്നത് ചരിത്രത്തിലെ ഏറ്റവും മികച്ച ലോകകപ്പ് സംഘടിപ്പിക്കാനുള്ള കഠിനമായ പരിശ്രമത്തെ പ്രതിഫലിപ്പിക്കുന്നുവെന്ന് ഖത്തര്‍ ടൂറിസം ചെയര്‍മാനും ഖത്തര്‍ എയര്‍വേയ്‌സ് ഗ്രൂപ്പ് ചീഫ് എക്‌സിക്യൂട്ടീവ് അക്ബര്‍ അല്‍ ബേക്കര്‍ അഭിപ്രായപ്പെട്ടു.
ടൂര്‍ണമെന്റിന് സേവനം നല്‍കുന്ന മൂന്ന് ഫ്‌ളോട്ടിംഗ് ് ഹോട്ടലുകളുടെ ഉടമയായ എംഎസ് സിക്രൂയിസ് ഗ്രൂപ്പിന്റെ കണക്കനുസരിച്ച്, മൂന്ന് ക്രൂയിസ് കപ്പലുകളുടെ ശേഷി 10,000 കിടക്കകളില്‍ എത്തുന്നു, ലോകകപ്പിന്റെ ആദ്യ ആഴ്ചയിലെ റിസര്‍വേഷന്‍ 100 ശതമാനമായി.
ഗ്രൂപ്പിന്റെ ആദ്യത്തെ ഭീമന്‍ ക്രൂയിസ് കപ്പലായ ഫാന്റാസിയയെ ദോഹ സ്വാഗതം ചെയ്തതോടെ ഖത്തറും എംഎസ് സി ക്രൂയിസും തമ്മിലുള്ള സഹകരണം 2016ല്‍ ആരംഭിച്ചതാണ്.
