ഓക്‌ലാന്റ്- ഇംഗ്ലണ്ടിനെതിരായ ക്രിക്കറ്റ് ടെസ്റ്റിലെ ആദ്യമത്സരത്തിൽ ന്യൂസിലാന്റിന് ജയം. ഇന്നിംഗ്‌സിനും 49 റൺസിനുമാണ് ന്യൂസിലാന്റ് ജയിച്ചത്. ആദ്യ ഇന്നിംഗ്‌സിൽ 20.4 ഓവറിൽ 58 റൺസിന് പുറത്തായ ഇംഗ്ലണ്ട് രണ്ടാം ഇന്നിംഗ്‌സിൽ 320 റൺസ് നേടിയിരുന്നു. എന്നാൽ ഇംഗ്ലണ്ടിന്റെ ആദ്യ ഇന്നിംഗ്‌സ് സ്‌കോറായ 58 റൺസിന് മറുപടിയായി ന്യൂസിലാൻന്റ് 427 റൺസാണ് അടിച്ചുകൂട്ടിയത്. ആദ്യ ഇന്നിംഗ്‌സിൽ ന്യൂസിലാന്റ് നേടിയ സ്‌കോറിന് അടുത്തെത്താൻ പോലുമാകാതെ ഇന്നിംഗ്‌സിനും 49 റൺസിനും ഇംഗ്ലണ്ട് തകർന്നടിയുകയായിരുന്നു. ഇംഗ്ലണ്ടിന് വേണ്ടി രണ്ടാം ഇന്നിംഗ്‌സിൽ ബെൻ സ്റ്റോക്‌സ് 66 ഉം സ്റ്റോൺമാൻ 55 ഉം ജോ റൂട്ട് 51 ഉം വോക്‌സ് 52 റൺസും നേടി. നീൽ വാഗ്നർ 32 ഓവറിൽ 77 റൺസ് വഴങ്ങി മൂന്ന് വിക്കറ്റ് നേടി. ആസ്‌ലേ 16.1 ഓവറിൽ 39 റൺസ് വഴങ്ങി മൂന്ന് വിക്കറ്റും ബൗൾട്ട് 27 ഓവറിൽ 67 റൺസ് വഴങ്ങി മൂന്നും വിക്കറ്റ് നേടി. അവസാന ദിവസമായ ഇന്നലെ 55.3 ഓവറിൽ 150 റൺസാണ് ഇംഗ്ലണ്ട് നേടിയത്.
