കൊൽക്കത്ത- സമീപകാല വിജയങ്ങൾ ആവർത്തിക്കാൻ ഇന്ത്യ ഇന്ന് ശ്രീലങ്കക്കെതിരെ മത്സരിക്കാനിറങ്ങും. ഇന്ത്യ - ശ്രീലങ്ക ക്രിക്കറ്റ് ടെസ്റ്റിലെ ആദ്യ മത്സരം ഇന്ന് രാവിലെ ഏഴിന് കൊൽക്കത്തയിലെ ഈഡൻ ഗാർഡനിൽ തുടങ്ങും. മൂന്ന് ടെസ്റ്റുകളാണ് പരമ്പരയിലുള്ളത്. ഇക്കഴിഞ്ഞ ഓഗസ്റ്റിൽ ഇന്ത്യയോട് ഒൻപത് മത്സരങ്ങളിൽ പരാജയപ്പെട്ടതിന്റെ നാണക്കേട് മാറാൻ ശ്രീലങ്കക്ക് ജയം അനിവാര്യമാണ്. ഇന്ത്യയാണെങ്കിൽ അപാരമായ ഫോം തുടരുകയുമാണ്.
ഓസ്‌ട്രേലിയ, ന്യൂസിലാന്റ് എന്നീ ടീമുകളെ ഏറ്റവുമൊടുവിൽ തോൽപിച്ചതിന്റെ ആത്മവിശ്വാസം കൂടിയുള്ള ഇന്ത്യയെ മറികടക്കൽ ലങ്കൻ നിരക്ക് ഏറെ പ്രയാസമാകും.
മഹേള ജയവർധനെ, കുമാര സംഗക്കാരെ എന്നിവരുടെ വിരമിക്കലിന് ശേഷം മാറ്റത്തിന്റെ പാതയിലാണ് ലങ്കൻ ക്രിക്കറ്റ് ടീം. ഈയടുത്ത് പാക്കിസ്ഥാനെ രണ്ടു ടെസ്റ്റ് മത്സരങ്ങളിൽ ശ്രീലങ്ക പരാജയപ്പെടുത്തിയെങ്കിലും അഞ്ച് ഏകദിനങ്ങളിലും മൂന്ന് ട്വന്റി20കളിലും തോൽക്കാനായിരുന്നു ലങ്കൻ നിരയുടെ വിധി.
ടീം ഇന്ത്യ:
വിരാട് കോഹ്‌ലി, ലോകേഷ് രാഹുൽ, മുരളി വിജയ്, ശിഖർ ധവാൻ, ചേതേശ്വർ പൂജാര, അജിൻക്യ രഹാനെ, രോഹിത് ശർമ, വൃഥിമാൻ സാഹ (വിക്കറ്റ് കീപ്പർ), ആർ. അശ്വിൻ, രവീന്ദ്ര ജഡേജ, കുൽദീപ് യാദവ്, മുഹമ്മദ് ഷമി, ഉമേഷ് യാദവ്, ഭുവനേശ്വർ കുമാർ, ഇശാന്ത് ശർമ
ടീം ലങ്ക:
ദിനേശ് ചാണ്ഡിമൽ, ദിമുത് കരുണരത്‌നെ, സദീറ സമരവിക്രമ, ലാഹിരു തിരിമന്നെ, നിരോഷൻ ഡിക്‌വെല(വിക്കറ്റ് കീപ്പർ), ദിൽറുവാൻ പെരേര, രംഗണ ഹെറാത്ത്, സുരംഗ ലക്മൽ, ലാഹിരു ഗമാഗെ, ധനഞ്ജയ ഡി സിൽവെ, എയ്ഞ്ജലോ മാത്യൂസ്, ലക്ഷ്മൺ സന്ദാകൻ, വിശ്വ ഫെർണാണ്ടോ, ഡാസുൻ ഷനാക, റോഷൻ സിൽവ.
