ന്യൂദൽഹി - എ.ഐ.എഫ്.എഫ് ഇലക്ഷനിൽ കോടതി ഇടപെടുകയും ഭരണസമിതി പിരിച്ചുവിടുകയും ചെയ്ത സാഹചര്യത്തിൽ ഇന്ത്യക്കെതിരെ ഫിഫ വിലക്കിന് സാധ്യത.
ഫുട്‌ബോൾ ഭരണത്തിൽ സർക്കാ ർ, സർക്കാരിതര ഇടപെടൽ പാടില്ലെന്നാണ് ഫിഫ ചട്ടം. കുവൈത്ത്, പാക്കിസ്ഥാൻ ഫുട്‌ബോൾ അസോസിയേഷനുകൾ സമാനമായ കാരണങ്ങളാൽ വിലക്ക് നേരിടുകയാണ്. കേന്ദ്ര സ്‌പോ ർട്‌സ് ചട്ടം പാലിക്കാതെ ഇലക്ഷൻ നടത്തിയെന്നതിനാലാണ് കഴിഞ്ഞ ദിവസം പ്രഫുൽ പട്ടേലിന്റെ നേതൃത്വത്തിലുള്ള ഭരണ സമിതിയെ ദൽഹി ഹൈക്കോ ടതി പുറത്താക്കിയത്. മുൻ ചീഫ് ഇലക്ഷൻ കമ്മീഷണർ എസ്. വൈ. ഖുറൈശിയെ അഡ്മിനിസ്‌ട്രേറ്ററായി നിയമിച്ച കോടതി അഞ്ചു മാസത്തിനകം തെരഞ്ഞെടുപ്പ് നടത്താനും നിർദേശിച്ചിട്ടുണ്ട്.
ഓരോ വർഷവും മൂന്നോ നാലോ രാജ്യങ്ങൾ ഇതേ കാരണത്താൽ സസ്‌പെന്റ് ചെയ്യപ്പെടുന്നുണ്ടെന്ന് പുറത്താക്കപ്പെട്ട സീനിയർ വൈസ് പ്രസിഡന്റ് സുബ്രത ദത്ത പറഞ്ഞു.
എന്നാൽ അത്തരം ഭയം വേണ്ടെന്നാണ് മുതിർന്ന അഭിഭാഷകനും ബി.സി.സി.ഐ, എ.ഐ.എഫ്.എഫ് തുടങ്ങിയ സമിതികളുടെ നിയമോപദേഷ്ടാവുമായ ഉഷാനാഥ് ബാനർജി കരുതുന്നത്.
കോടതി അഡ്മിനിസ്‌ട്രേറ്ററെ നിയമിച്ച സാഹചര്യത്തിലാണ് പാക്കിസ്ഥാൻ ഫെഡറേഷനെ ഫിഫ സസ്‌പെ ന്റ് ചെയ്തത്. എ.ഐ.എഫ്.എഫ് ഭരണ സമിതിയെ കോടതി പുറത്താക്കിയ തിനോട് ഫിഫ പ്രതികരിച്ചില്ല. ഇതു സംബന്ധിച്ച ഔദ്യോഗിക അറിയിപ്പിനായി കാത്തിരിക്കുകയാണെന്ന് ഫിഫ വക്താവ് പറഞ്ഞു. ഗവൺമെന്റ് ഇടപെടലോ ഫെഡറേഷനിലെ ഗ്രൂപ്പിസ മോ അല്ല കാരണമെന്നതിനാൽ ഫിഫ ഇടപെടൽ ഉണ്ടാവില്ലെന്നാണ് പലരും കരുതുന്നത്.
