മുംബൈ-അമല പോള് വീണ്ടും വിവാഹിതയായെന്ന് റിപ്പോര്ട്ട്. അമലയുടെ സുഹൃത്തും മുംബൈയില് നിന്നുള്ള ഗായകനുമായ ഭവ്നിന്ദര് സിങാണ് വരന്. ഭവ്നിന്ദര് ഇന്സ്റ്റാഗ്രാമില് പങ്കുവച്ച ചിത്രങ്ങളാണ് ആരാധകരുടെ ഇടയില് ചര്ച്ച. 'ത്രോബാക്ക്'എന്ന ഹാഷ് ടാഗോടെയാണ് ഭവ്നിന്ദര്, അമലയുമൊത്തുള്ള വിവാഹ ചിത്രങ്ങള് പങ്കുവച്ചിരിക്കുന്നത്. ഒരാഴ്ച മുമ്പായിരുന്നു ഇവരുടെ വിവാഹമെന്നാണ് സൂചനകള്. ഇതിനു മുമ്പും ഭവ്നിന്ദറിന്റെ ഇന്സ്റ്റഗ്രാം അക്കൗണ്ടില് അമലയുമൊത്തുളള ചില ചിത്രങ്ങള് ഇന്റര്നെറ്റിലൂടെ പുറത്തായിരുന്നു. ജീവിതത്തിലെ ഏറ്റവും അടുത്ത കൂട്ടുകാരനെക്കുറിച്ച് ഒരു അഭിമുഖത്തില് അമല പോള് തുറന്നുപറഞ്ഞിരുന്നു. സിനിമകള് തിരഞ്ഞെടുക്കുമ്പോള് അയാളുമായി ചര്ച്ച ചെയ്യാറുണ്ടെന്നും 'ആടൈ' എന്ന ചിത്രത്തില് അഭിനയിക്കാന് അവസരം ലഭിച്ചപ്പോള് ആദ്യം പറഞ്ഞത് അദ്ദേഹത്തോടായിരുന്നുവെന്നും അമല പറഞ്ഞു.
അമലയുടെ രണ്ടാം വിവാഹമാണിത്. 2014 ജൂണ് 12നായിരുന്നു മൂന്ന് വര്ഷം നീണ്ട പ്രണയത്തിനൊടുവില് അമലയും തമിഴ് സംവിധായകന് എ.എല്. വിജയും വിവാഹിതരായത്.വിവാഹം കഴിഞ്ഞ് ഒരു വര്ഷം പിന്നിട്ടപ്പോള് ഇരുവരും വിവാഹ മോചന ഹര്ജി സമര്പ്പിച്ചു. തുടര്ന്ന് ഫെബ്രുവരി 2017ല് ഇരുവരും നിയമപരമായി വിവാഹമോചിതരായി. അടുത്തിടെയാണ് അമലയുടെ മുന് ഭര്ത്താവും സംവിധായകനുമായ എ.എല്. വിജയ് വിവാഹിതനായത്. ചെന്നൈ സ്വദേശിയും ഡോക്ടറുമായ ഐശ്വര്യയാണ് വധു.