കുവൈത്ത് സിറ്റി- തിരുവല്ല സ്വദേശിയായ പതിമൂന്നുകാരന്‍ കുവൈത്തിലെ താമസസ്ഥലത്ത് മരിച്ച നിലയില്‍. ഗള്‍ഫ് ഇന്ത്യന്‍ സ്‌കൂള്‍ എട്ടാം ക്ലാസ് വിദ്യാര്‍ഥിയും പരേതനായ മജു-വിധു ദമ്പതികളുടെ മകനുമായ മാധവ് മജുവാണ് മരിച്ചത്. തിരുവല്ല പൊടിയാടി മുണ്ടപ്ലാവ് സ്വദേശിയാണ്. പിതാവ് മജു കുവൈത്തില്‍ അപകടത്തിലാണ് മരിച്ചത്. മാതാവ് വിധു ലക്ഷ്മണ്‍ കുവൈത്ത് അദാന്‍ ആശുപത്രി നഴ്‌സാണ്. മാധവിന്റെ മൃതദേഹം നടപടിക്രമങ്ങള്‍ പൂര്‍ത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കള്‍ പറഞ്ഞു.
