പത്തനംതിട്ട - പത്തനംതിട്ട മൗണ്ട് സിയോണ് ലോ കോളേജിലെ വിദ്യാര്ത്ഥിനിയെ മര്ദിച്ച കേസില് സി പി എം ഏരിയ കമ്മിറ്റി അംഗം കൂടിയായ ഡി വൈ എഫ് ഐ നേതാവ് ജയ്സണ് ജോസഫ് പൊലീസില് കീഴടങ്ങി. പത്തനംതിട്ട ഡി വൈ എസ് പി ഓഫീസിലെത്തിയാണ് കീഴടങ്ങിയത്. സുപ്രീം കോടതി മുന്കൂര് ജാമ്യാപേക്ഷ തള്ളിയിട്ടും ജയ്സനെ പോലീസ് അറസ്റ്റ് ചെയ്തിരുന്നില്ല. മര്ദ്ദനമേറ്റ വിദ്യാര്ത്ഥിനിയുടെ പരാതിയില് കേസെടുക്കാന് മടിച്ച പോലീസ്, പരാതിക്കാരിക്കെതിരെ തുടരെ കേസ് എടുത്തിരുന്നു. മുന്കൂര് ജാമ്യാപേക്ഷ തള്ളിയിട്ടും ജയ്സനെ അറസ്റ്റ് ചെയ്യാതിരുന്നത് വലിയ വിമര്ശനത്തിന് ഇടയാക്കിയിരുന്നു.
