കൊല്ക്കത്ത- ജനുവരി 5 ന് നോര്ത്ത് 24 പര്ഗാനാസ് ജില്ലയിലെ സന്ദേശ്ഖാലിയില് എന്ഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥരെ ആക്രമിച്ച കേസില് പശ്ചിമ ബംഗാള് പോലീസ് അറസ്റ്റ് ചെയ്ത ഷെയ്ഖ് ഷാജഹാനെ തൃണമൂല് കോണ്ഗ്രസ് (ടിഎംസി) വ്യാഴാഴ്ച ആറ് വര്ഷത്തേക്ക് സസ്പെന്ഡ് ചെയ്തു.
അറസ്റ്റിന് തൊട്ടുപിന്നാലെ ഷാജഹാനെ സസ്പെന്ഡ് ചെയ്യാനുള്ള തീരുമാനം ടിഎംസി എംപി ഡെറക് ഒബ്രിയാന് പ്രഖ്യാപിച്ചു. 'ശൈഖ് ഷാജഹാനെ പാര്ട്ടിയില് നിന്ന് 6 വര്ഷത്തേക്ക് സസ്പെന്ഡ് ചെയ്യാന് ഞങ്ങള് തീരുമാനിച്ചു. ഞങ്ങള് മുന്കാലങ്ങളില് മാതൃകകള് കാണിച്ചു, ഇന്നും ഞങ്ങള് അങ്ങനെ ചെയ്യുന്നു,- ടിഎംസി എംപി പറഞ്ഞു.
