ദോഹ - ഖത്തർ ദേശീയ കായിക ദിനത്തിന്റെ ഭാഗമായി ഖത്തർ കായിക യുവജന മന്ത്രാലയത്തിന്റെ അംഗീകാരത്തോടെ
എക്‌സ്പാറ്റ്‌സ് സ്‌പോർടീവ് സംഘടിപ്പിച്ച ഓട്ടോ ഫാസ്റ്റ് ട്രാക്ക് കമ്മ്യൂണിറ്റി സ്‌പോർട്‌സ് മീറ്റ് 2024ന് ഉജ്ജ്വല സമാപനം. വിവിധ ഇനങ്ങളിലെ വാശിയേറിയ മത്സരങ്ങളും ഖത്തറിന്റെയും ഇന്ത്യയുടെയും സാംസ്‌കാരിക കായിക പാരമ്പര്യങ്ങൾ വിളിച്ചറിയിച്ച് നടന്ന ടീം പരേഡും കമ്മ്യൂണിറ്റി സ്‌പോർട്‌സ് മീറ്റ് 2024 നെ ശ്രദ്ധേയമാക്കി. കേരളത്തിലെ 13 ജില്ലാ ടീമുകൾ കളത്തിൽ ഇറങ്ങിയ വീറും വാശിയും നിറഞ്ഞ മത്സരത്തിൽ 78 പോയന്റുകൾ നേടി കെ.എൽ 10 ലെജന്റ്‌സ് ഓവറോൾ ചാമ്പ്യൻമാരായി. 72 പോയന്റുകൾ നേടി കാലിക്കറ്റ് സ്‌പോർട്‌സ് ക്ലബ്ബ് രണ്ടാം സ്ഥാനം സ്വന്തമാക്കിയപ്പോൾ കേവലം ഒരു പോയിന്റിന്റെ വ്യത്യാസത്തിൽ തൃശ്ശൂർ യൂത്ത് ക്ലബ്ബിന് മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു.
കമ്മ്യൂണിറ്റി സ്‌പോർട്‌സ് മീറ്റ് ഉദ്ഘാടന ചടങ്ങിൽ ഇന്ത്യൻ എംബസി ഫസ്റ്റ് സെക്രട്ടറി വൈഭവ് തണ്ടാലേ മുഖ്യാതിഥിയായി പങ്കെടുത്തു. മീറ്റിൽ പങ്കെടുത്ത ടീമുകൾ അണി നിരന്ന വർണ്ണാഭമായ പരേഡിന്റെ സല്യൂട്ട് അദ്ദേഹം സ്വീകരിച്ചു. വൈഭവ് തണ്ടാലേ, ഖത്തർ ആഭ്യന്തര മന്ത്രാലയം പ്രതിനിധി ക്യാപ്റ്റൻ ഹമദ് ഹബീബ് അൽ ഹാജിരി എന്നിവർ മേളയുടെ ദീപ ശിഖകൾ എക്‌സ്പാറ്റ്‌സ് സ്‌പോർടീവ് ക്യാപ്റ്റൻ അസീം എം.ടിക്കും ലേഡീസ് ക്യാപ്റ്റൻ നിത്യ സുബീഷിനും കൈമാറി.
ഇന്ത്യൻ കൾച്ചറൽ സെന്റർ പ്രസിഡന്റ് എ.പി. മണികണ്ഠൻ എക്‌സ്പാറ്റ്‌സ് സ്‌പോർടീവ് പതാക ഓർഗനൈസിംഗ് കമ്മറ്റിയംഗം അബ്ദുറഹീം വേങ്ങേരിക്കും സ്‌പോർട്‌സ് മീറ്റ് ഔദ്യോഗിക പതാക സുഡാൻ ഫുട്ബാൾ ടീം മുൻ ക്യാപ്റ്റൻ അബ്ദു അസീസ് സകരിയ്യ സ്‌പോർട്‌സ് മീറ്റ് ടെക്‌നികൽ ഹെഡ് താസീൻ അമീനും ഇന്ത്യൻ ദേശീയ പതാക ഇന്ത്യൻ സ്‌പോർട്‌സ് സെന്റർ പ്രസിഡണ്ട് ഇ.പി. അബ്ദുറഹ്മാൻ സ്‌പോർട്‌സ് മീറ്റ് കോഡിനേറ്റർ അനസ് ജമാലിനും ഖത്തർ പതാക ഐ.സി.ബി.എഫ് വൈസ് പ്രസിഡന്റ് ദീപക് ഷെട്ടി എക്‌സ്പാറ്റ്‌സ് സ്‌പോർടീവ് ജനറൽ സെക്രട്ടറി മഖ്ബൂൽ അഹമ്മദിനും കൈമാറി. സുഡാൻ ഫുട്ബാൾ ടീം മുൻ ക്യാപ്റ്റൻ അബ്ദു അസീസ് സകരിയ്യ മേളയുടെ ട്രോഫി അനാഛാദനം ചെയ്തു.
ഖത്തറിലെ ആദ്യ അന്താരാഷ്ട്ര ഗോൾഫ് താരം, യാസ്മിൻ അൽ ഷർഷാനി. ഐ.സി.സി വൈസ് പ്രസിഡണ്ട് സുബ്രമണ്യ ഹെബ്ബലു, ജനറൽ സെക്രട്ടറി, മോഹൻ കുമാർ, ഐ.സി.ബി.എഫ് ജനറൽ സെക്രട്ടറി വർക്കി ബോബൻ, ഇന്ത്യൻ സ്‌പോർട്‌സ് സെന്റർ ജനറൽ സെക്രട്ടറി നിഹാദ് അലി, ഐ.സി.ബി.എഫ് സെക്രട്ടറി മുഹമ്മദ് കുഞ്ഞി, ഐ.സി.സി സെക്രട്ടറി അബ്രഹാം ജോസഫ്, കൾച്ചറൽ ഫോറം പ്രസിഡണ്ട് ആർ ചന്ദ്രമോഹൻ, കെ.എം.സി.സി പ്രസീഡണ്ട് ഡോ. അബ്ദുൽ സമദ്, ഇൻകാസ് പ്രസീഡണ്ട് ഹൈദർ ചുങ്കത്തറ, സി.ഐ.സി പ്രസിഡണ്ട് ടി.കെ ഖാസിം, ഇന്ത്യൻ അപകസ് ബോഡി മാനേജിംഗ് കമ്മറ്റിയംഗങ്ങളായ റൗഫ് കൊണ്ടോട്ടി, നടുമുറ്റം പ്രസിഡണ്ട് സന നസീം, യൂത്ത്‌ഫോറം പ്രസിഡണ്ട് ബിൻഷാദ് പുനത്തിൽ, ഡോ. മുഹമ്മദ് ബഹാവുദ്ദീൻ, സഫീർ റെഹ്മാൻ കമ്മ്യൂണിറ്റി സ്‌പോർറ്റ്‌സ് മീറ്റ് ചെയർമാൻ ഡോ. താജ് അലുവ, എക്‌സ്പാറ്റ്‌സ് സ്‌പോർടീവ് പ്രസിഡണ്ട് അബ്ദുൽ ഗഫൂർ എ.ആർ, ജനറൽ കൺവീനർ അഹമ്മദ് ഷാഫി എന്നിവർ ഉദ്ഘാടന ചടങ്ങിൽ പങ്കെടുത്തു.
മീറ്റിനോടനുബന്ധിച്ച് നടന്ന പരേഡിൽ കേരളത്തിലെ വിവിധ ജില്ലകളെ പ്രതിനിധീകരിച്ച് പങ്കെടുത്ത ടീമുകളും കുട്ടികളും മുതിർന്നവരും ഉൾപ്പടെ അബാലവൃധം ജനങ്ങളും അണിനിരന്നു.
കേരളത്തിന്റെ സാംസ്‌കാരിക തനിമ വിളിച്ചോതുന്ന നിശ്ചല ദൃശ്യങ്ങൾ, ഖത്തറിന്റെ കായിക നേട്ടങ്ങൾ, ചെണ്ടമേളം, ആയോധന കലകൾ, ഒപ്പന, കോൽക്കളി, ദഫ് മുട്ട്, നൃത്തങ്ങൾ തുടങ്ങിയ കലാരൂപങ്ങൾ പരേഡിന് കൊഴുപ്പേകി. പരേഡിൽ കാലിക്കറ്റ് സ്‌പോർട്‌സ് ക്ലബ്ബ് ഒന്നാ സ്ഥാനക്കാരയപ്പോൾ കെ. എൽ 10 ലെജന്റ്‌സ്, തൃശ്ശൂർ യൂത്ത് ക്ലബ്ബ് എന്നിവർ യഥാക്രമം രണ്ട്, മൂന്ന് സ്ഥാനങ്ങൾ കരസ്ഥമാക്കി.
വെള്ളിയാഴ്ച രാവിലെ രാവിലെ 7 മണി മുതൽ ദുഹൈലിലെ യൂണിവേഴ്‌സിറ്റി ഓഫ് ദോഹ സയൻസ് ആന്റ് ടെക്‌നോളജി ഗ്രൗണ്ടിൽ 100,200,800,1500 മീറ്റർ ഓട്ടം, 4x100 റിലേ, ലോംഗ് ജമ്പ്, ഷോട്ട് പുട്ട്, പഞ്ചഗുസ്തി, ബാഡ്മിന്റൺ, വടം വലി, ഷൂട്ടൗട്ട് എന്നീ ഇനങ്ങളിൽ അഞ്ച് കാറ്റഗറികളിലായാണ് മത്സരം നടന്നത്.
കാറ്റഗറി എ യിൽ കെ. എൽ 10 ലെജന്റ്‌സിന്റെ മുഹമ്മദ് അൻഷാദും കാറ്റഗറി ബി യിൽ തൃശ്ശൂർ യൂത്ത് ക്ലബ്ബിന്റെ കണ്ണൻ ചെമ്പനും , കാറ്റഗറി സി യിൽ ഫീനിക്‌സ് പാലക്കാടീന്റെ ലിൻസി സുകുമാരനും കാറ്റഗറി ഡി യിൽ കാലിക്കറ്റിന്റെ അശ്വതി അശോകനും കണ്ണൂർ സ്‌ക്വാഡിന്റെ സൂസൻ അബ്രഹാമും വ്യക്തിഗദ ചാമ്പ്യന്മാരായി. അവസാന നിമിഷം വരെ മാറി മറഞ്ഞ പോയന്റ് നിലയിൽ ഒടുവിലായി നടന്ന വടം വലി മത്സരമാണ് ആദ്യ സ്ഥാനക്കാരെ നിണ്ണയിച്ചത്. വനിതാ വിഭാഗം വടം വലിയിൽ തൃശ്ശൂർ യൂത്ത് ക്ലബ്ബിനെ തോൽപിച്ച് കണ്ണൂർ സ്‌ക്വാഡും പുരുഷ വിഭാഗത്തിൽ കൊച്ചിൻ ടസ്‌കേർസിനെ തോല്പിച്ച് കാലിക്കറ്റ് സ്‌പോർട്‌സ് ക്ലബ്ബും ജേതാക്കളായി.
ഇന്ത്യയിൽ നടന്ന മാസ്‌റ്റേർസ് അത്‌ലറ്റിക് മീറ്റിൽ പങ്കെടുത്ത് മെഡൽ ജേതാക്കളായി സ്വീഡനിൽ നടക്കുന്ന ലോക ചാമ്പ്യൻഷിപ്പിലേക്ക് യോഗ്യത നേടിയ സ്‌പോർട്‌സ് മീറ്റ് താരങ്ങളായ സ്റ്റീസൺ കേ മാത്യു, സിയാഹുൽ ഹഖ്, ജെയ്‌സണ ജെയിംസ് എന്നിവരെ മെഡൽ നൽകി ആദരിച്ചു.
ഐ.സി.ബി.എഫ് സെക്രട്ടറി മുഹമ്മദ് കുഞ്ഞി, ഓട്ടോ ഫാസ്റ്റ് ട്രാക് എം.ഡി ഷിയാസ് കൊട്ടാരം എന്നിവർ ഓവറോൾ ചമ്പ്യൻന്മാർക്കുള്ള ട്രോഫികൾ കൈമാറി. കമ്മ്യൂണിറ്റി സ്‌പോർറ്റ്‌സ് മീറ്റ് ചെയർമാൻ ഡോ. താജ് അലുവ, കൾച്ചറൽ ഫോറം പ്രസിഡണ്ട് ആർ ചന്ദ്രമോഹൻ, എക്‌സ്പാറ്റ്‌സ് സ്‌പോർടീവ് പ്രസിഡണ്ട് അബ്ദുൽ ഗഫൂർ എ.ആർ, ജനറൽ കൺവീനർ അഹമ്മദ് ഷാഫി, നടുമുറ്റം പ്രസിഡണ്ട് സന നസീം, കെ.ഇ.സി പ്രസിഡണ്ട് മജീദ് അലി, സ്‌പോർടീവ് ക്യാപ്റ്റൻ അസീം എം.ടി, എക്‌സ്പാറ്റ്‌സ് സ്‌പോർടീവ് ജനറൽ സെക്രട്ടറി മഖ്ബൂൽ, ഫിനാൻസ് കോഡിനേറ്റർ ഷരീഫ് ചിറക്കൽ, കൊക്കൂൺ റഫ്രിജറേറ്റർ കൊമേഴ്‌സ്യൽ മാനേജർ അമീൻ അബ്ദുറഹ്മാൻ, ഓർഗനൈസിംഗ് കമ്മറ്റിയംഗങ്ങളായ റഷീദ് അഹമ്മദ്, നജ്‌ല നജീബ്, റഷീദ് അലി, സാദിഖ് ചെന്നാടൻ, അനീസ് റഹ്മാൻ, അബ്ദു റഹീം വേങ്ങേരി, ഷാഫി മൂഴിക്കൽ, എ.സി മുനീഷ്, അനസ് ജമാൽ, റഷീദ് കൊല്ലം, മുഹമ്മദ് റാഫി, സജ്‌ന സാക്കി, സക്കീന അബ്ദുല്ല, ഷറഫുദ്ദീൻ സി, റഹ്മത്തുല്ല കൊണ്ടോട്ടി, നിഹാസ് എറിയാട് എന്നിവർ വിവിധ ഇനങ്ങളിലെ ജോതാക്കൾക്കുള്ള മെഡലുകൾ വിതരണം ചെയ്തു.
