മുംബൈ- ഷാരൂഖ് ഖാന്‍, ദീപിക പദുക്കോണ്‍, ജോണ്‍ എബ്രഹാം എന്നിവര്‍ പ്രധാന കഥാപാത്രങ്ങളെ അവതരിപ്പിച്ച പത്താന്‍, 2023 ല്‍ ബോക്സ് ഓഫീസിലെ എല്ലാ റെക്കോര്‍ഡുകളും തകര്‍ത്ത ഒരു സ്‌പൈ ത്രില്ലര്‍ ചിത്രമാണ്. ചിത്രം 1000 കോടി കടന്ന് ഏറ്റവും കൂടുതല്‍ കളക്ഷന്‍ നേടിയ ചിത്രങ്ങളിലൊന്നായി മാറി.
ആക്ഷന്‍ പായ്ക്ക്ഡ് പ്ലോട്ട്, സ്‌റ്റൈലിഷ് വിഷ്വലുകള്‍, നാല് വര്‍ഷത്തെ ഇടവേളക്ക് ശേഷം ഷാരൂഖ് ഖാന്റെ തിരിച്ചുവരവ് എന്നിവയിലൂടെ പത്താന്‍ ലോകമെമ്പാടുമുള്ള പ്രേക്ഷകരെ ആകര്‍ഷിച്ചു. ചാരപ്രപഞ്ചത്തിലെ ഏറ്റവും ജനപ്രീതിയാര്‍ജ്ജിച്ച രണ്ട് കഥാപാത്രങ്ങളായ ടൈഗറും പത്താനും മാറി.
കിംഗ് ഖാനും വൈആര്‍എഫും പത്താന്‍ 2 എന്ന ചിത്രവുമായി എത്തുന്നു എന്നതാണ് ബോളിവുഡ് വ്യവസായത്തിലെ ഏറ്റവും പുതിയ സംസാരം.
''പത്താന്‍, ജവാന്‍, ഡങ്കി എന്നീ വിജയ ചിത്രങ്ങള്‍ക്ക് ശേഷം ഷാരൂഖ് ഖാന്‍ ഇപ്പോള്‍ ഇടവേള ആസ്വദിക്കുകയാണ്. കഴിഞ്ഞ കുറച്ച് മാസങ്ങളായി അദ്ദേഹം ടണ്‍ കണക്കിന് കഥകള്‍ കേള്‍ക്കുന്നു. എന്നാല്‍ ആദിത്യ ചോപ്രയ്ക്കൊപ്പം പത്താന്‍ തുടര്‍ഭാഗത്തിനായി വീണ്ടും പ്രവര്‍ത്തിക്കാന്‍ അദ്ദേഹം തീരുമാനിച്ചു. ഷാരൂഖ് തിരക്കഥ കേള്‍ക്കുകയും ഗ്രീന്‍ സിഗ്‌നല്‍ നല്‍കുകയും ചെയ്തു- സിനിമാ വൃത്തങ്ങള്‍ പറഞ്ഞു. എന്നാല്‍ ദീപിക പദുക്കോണ്‍ തന്നെയായിരിക്കുമോ രണ്ടാം ഭാഗത്തിലെ നായികയെന്ന് വ്യക്തമല്ല.
