ന്യൂദല്ഹി- 2023ലെ ജ്ഞാനപീഠ പുരസ്കാരം പ്രഖ്യാപിച്ചു. വിഖ്യാത ഉറുദുകവിയും ഹിന്ദിഗാനരചയിതാവുമായ ഗുല്സാറിനും സംസ്കൃത പണ്ഡിതന് രാംഭദ്രാചാര്യയ്ക്കുമാണ് പുരസ്കാരം.
2002ല് സാഹിത്യ അക്കാദമി അവാര്ഡ് ലഭിച്ച ഗുല്സാറിനെ 2004ല് രാജ്യം പദ്മഭൂഷന് നല്കി ആദരിച്ചിരുന്നു. 2013ല് ദാദാസാഹിബ് ഫാല്ക്കേ പുരസ്കാരവും ഇദ്ദേഹത്തിന് ലഭിച്ചിരുന്നു.
ചിത്രകൂടിലെ തുളസീപീഠ സ്ഥാപകനായ രാംഭദ്രാചാര്യ, അറിയപ്പെടുന്ന ഹിന്ദു ആത്മീയാചാര്യനാണ്. നൂറിലധികം പുസ്തകങ്ങള് ഇദ്ദേഹം രചിച്ചിട്ടുമുണ്ട്. 2022ല് ഗോവന് എഴുത്തുകാരന് ദാമോദര് മൗസോയ്ക്കായിരുന്നു പുരസ്കാരം.
