മുംബൈ- ഇന്ത്യയിലെ ഒടിടി പ്ലാറ്റ്‌ഫോമുകളുടെ കുതിച്ചുചാട്ടം മുഖ്യധാരാ നടന്മാര്‍ക്കും നടിമാര്‍ക്കും പുതിയ വാതിലുകള്‍ തുറന്നു. പരമ്പരാഗത സിനിമക്കപ്പുറം വെല്ലുവിളി നിറഞ്ഞ വേഷങ്ങള്‍ സ്വീകരിക്കാന്‍ അവരെ പ്രോത്സാഹിപ്പിക്കുന്നു. ഈ മാറ്റം സൃഷ്ടിപരമായ അവസരങ്ങള്‍ മാത്രമല്ല, ഗണ്യമായ വരുമാനവും നല്‍കുന്നു, ചിലപ്പോള്‍ അവര്‍ക്ക് ഒരു സിനിമക്ക് ലഭിക്കുന്ന പ്രതിഫലത്തേക്കാളധികം.
പല ഇന്ത്യന്‍ നടിമാരും തിയറ്ററുകളേക്കാള്‍ ഡിജിറ്റല്‍ പ്രോജക്ടുകള്‍ തിരഞ്ഞെടുക്കുകയാണ് ഇപ്പോള്‍. ഒടിടി യില്‍ ഏറ്റവും കൂടുതല്‍ പ്രതിഫലം വാങ്ങുന്ന ഇന്ത്യന്‍ നടി ആരാണെന്ന് നിങ്ങള്‍ക്കറിയാമോ? ബോളിവുഡില്‍ വളരെ ജനപ്രിയമായ പേരാണത്.
അതെ, കരീന കപൂര്‍ ഖാന് തന്നെ.
രാജ്യത്ത് ഏറ്റവുമധികം പ്രതിഫലം വാങ്ങുന്ന നടിമാരില്‍ ഒരാളായ കരീന കപൂര്‍ ഒരു പ്രോജക്ടിന് 8 മുതല്‍ 18 കോടി രൂപ വരെ ഈടാക്കുന്നതായാണ് റിപ്പോര്‍ട്ട്. ഒടിടിയിലെ അവരുടെ ആദ്യ പ്രോജക്റ്റായ ജാനെ ജാന്‍ എന്ന നെറ്റ്ഫ്‌ളിക്‌സ് ചിത്രത്തിന് വേണ്ടി, 10 മുതല്‍ 12 കോടി രൂപ വരെ പ്രതിഫലം വാങ്ങിയെന്നാണ് റിപ്പോര്‍ട്ട്. ഒടിടി പ്ലാറ്റ്‌ഫോമുകളില്‍ ഏറ്റവും കൂടുതല്‍ പ്രതിഫലം വാങ്ങുന്ന ഇന്ത്യന്‍ നടിയാക്കി ഇത് അവരെ മാറ്റി.
കരീന കപൂര്‍ ഖാന് പിന്നില്‍ തെലുങ്ക്, തമിഴ് സിനിമകളില്‍ ശ്രദ്ധേയയായ സാമന്ത റൂത്ത് പ്രഭുവാണ്. രാജും ഡികെയും ചേര്‍ന്ന് സംവിധാനം ചെയ്ത 'ഫാമിലി മാന്‍ 2' എന്ന പ്രശസ്തമായ പരമ്പരയിലൂടെ അവര്‍ ഒടിടി ലോകത്തേക്കുള്ള തന്റെ വരവ് അടയാളപ്പെടുത്തി. ഇപ്പോള്‍, വരുണ്‍ ധവാനൊപ്പം തന്റെ രണ്ടാമത്തെ ഡിജിറ്റല്‍ സംരംഭമായ 'സിറ്റാഡല്‍: ഇന്ത്യ'യില്‍ പ്രേക്ഷകരെ ആകര്‍ഷിക്കാന്‍ ഒരുങ്ങുകയാണ്.
ഈ ആമസോണ്‍ പ്രൈം വീഡിയോ സീരീസിനായി സാമന്ത 10 കോടി രൂപയാണ് ഈടാക്കുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു, ഇത് അവരുടെ സാധാരണ ടോളിവുഡ് നിരക്കായ 4 മുതല്‍ 4.5 കോടി രൂപയില്‍നിന്ന് ഗണ്യമായ കുതിപ്പാണ്.
ഒടിടിയില്‍ ഏറ്റവും കൂടുതല്‍ പ്രതിഫലം വാങ്ങുന്ന മികച്ച 5 നടിമാര്‍
- കരീന കപൂര്‍ ഒരു പ്രോജക്ടിന് 10 മുതല്‍ 12 കോടി വരെ
- സാമന്ത റൂത്ത് പ്രഭു ഒരു പ്രോജക്ടിന് 4.5 കോടി മുതല്‍ 10 കോടി വരെ
- രാധിക ആപ്‌തെ ഓരോ വെബ് സീരീസിനും 4 കോടി രൂപ
- സുസ്മിത സെന്‍ ഓരോ വെബ് സീരീസിനും 2 കോടി
- പ്രിയാമണി ഒരു എപ്പിസോഡിന് 10 ലക്ഷം
- ഗൗഹര്‍ ഖാന് ഒരു എപ്പിസോഡിന് 3 ലക്ഷം
വിനോദ വ്യവസായ രംഗത്തെ ഈ മാറ്റം ഒടിടി പ്ലാറ്റ്‌ഫോമുകളുടെ വര്‍ധിച്ചുവരുന്ന സ്വാധീനത്തെ പ്രതിഫലിപ്പിക്കുക മാത്രമല്ല, അവരുടെ കഴിവുകള്‍ പ്രകടിപ്പിക്കാന്‍ പുതിയ വഴികള്‍ കണ്ടെത്താനും സഹായിക്കുന്നു.
