റായ്പൂര്- രാജസ്ഥാനില് ക്രിക്കറ്റ് മത്സരം തോറ്റതിനെ തുടര്ന്ന് പതിനഞ്ചുകാരനെ ബാറ്റ് കൊണ്ട് അടിച്ചുകൊന്നു. രാജസ്ഥാനിലെ ഭവാനി മണ്ഡി ടൗണിലാണ് ദാരുണ സംഭവം.
രാജസ്ഥാന് ടെക്സ്റ്റൈല്സ് മില്സ് ലേബര് കോളനിയില് താമസിക്കുന്ന പ്രകാശ് സാഹുവാണ് കൊല്ലപ്പെട്ടത്. സുഹൃത്തായ മുകേഷ് മീനയെ (20) പോലീസ് അറസ്റ്റ് ചെയ്തിട്ടുണ്ട്. സാഹു പത്താം ക്ലാസ് വിദ്യാര്ഥിയും മുകേഷ് ബി.എ അവസാന വര്ഷ വിദ്യാര്ഥിയുമാണ്. കോളനിയിലെ മൈതാനത്ത് ഇരുവരും പതിവായി ക്രിക്കറ്റ് കളിക്കുന്നവരാണെന്ന് സര്ക്കിള് ഇന്സ്പെക്ടര് മങ്കിലാല് യാദവ് പറഞ്ഞു.
കഴിഞ്ഞദിവസം മത്സരശേഷം സഹതാരങ്ങള്ക്കൊപ്പം വിജയം ആഘോഷിക്കുന്നതിനിടെ, എതിര് ടീം അംഗമായിരുന്ന മുകേഷ് രോഷാകുലനായി ബാറ്റുകൊണ്ട് സാഹുവിന്റെ തലക്കടിക്കുകയായിരുന്നു. ഗുരുതരമായി പരിക്കേറ്റ സാഹുവിനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പ്രദേശവാസികള് പ്രതിയുടെ ബൈക്ക് അടിച്ചു തകര്ത്തു. കോളനിയില് പോലീസ് സുരക്ഷ ശക്തമാക്കിയിട്ടുണ്ട്.
വാട്സ്ആപ്പില് വലിയ മാറ്റം വരുന്നു; ഇതര ആപ്പുകളുടെ ചാറ്റും അനുവദിക്കും
VIDEO ഓടുന്ന ബസിലെ ദ്വാരത്തിലൂടെ യാത്രക്കാരി താഴേക്ക് വീണു
റെസിഡന്സി നടപടി പൂര്ത്തിയാക്കാന് ഒരു മാസം മാത്രം, പതിനായിരം റിയാല് വരെ പിഴ
