മമ്മൂട്ടി ദുര്‍മന്ത്രവാദിയായി എത്തുന്ന 'ഭ്രമയുഗത്തിന് ചെലവ് എത്രയാണ്. പൂര്‍ണമായും ബ്ലാക്ക് ആന്‍ഡ് വൈറ്റില്‍ ഒരുങ്ങുന്ന ചിത്രത്തില്‍ നാല് കഥാപാത്രങ്ങള്‍ മാത്രം പ്രത്യക്ഷപ്പെടുന്നു. സിനിമയുടെ ടീസറിന് ഇതിനോടകം വലിയ സ്വീകാര്യതയാണ് ലഭിച്ചത്.
ഇരുപതു കോടിക്കു മുകളിലാണ് ഭ്രമയുഗത്തിന്റെ ബജറ്റ് എന്ന് വാര്‍ത്തയുണ്ടായിരുന്നു. എന്നാല്‍ 27.73 കോടിയാണ് ചിത്രത്തിന്റെ നിര്‍മാണച്ചെലവെന്ന് നിര്‍മാതാവ് ചക്രവര്‍ത്തി രാമചന്ദ്ര എക്‌സ് പ്ലാറ്റ്‌ഫോമില്‍ വെളിപ്പെടുത്തി. പബ്ലിസിറ്റിക്ക് വേണ്ടിവരുന്ന തുക കൂടാതെയുള്ള കണക്കാണ് ഇതെന്നും അദ്ദേഹം പറയുന്നു.
റെഡ് റെയ്ന്‍, ഭൂതകാലം തുടങ്ങിയ സിനിമകളിലൂടെ ശ്രദ്ധേയനായ രാഹുല്‍ സദാശിവന്‍ സംവിധാനം ചെയ്യുന്ന ചിത്രത്തില്‍ ദുര്‍മന്ത്രവാദിയായാണ് മമ്മൂട്ടി എത്തുന്നത്. പ
ബ്ലാക്ക് ആന്‍ഡ് വൈറ്റില്‍ ഒരുങ്ങിയ ചിത്രമായതുകൊണ്ട് വലിയ ബജറ്റ് ആയില്ലെന്നും കോസ്റ്റ്യൂം പോലും കുറവാണെന്നും ചര്‍ച്ചകള്‍ ഉയര്‍ന്നിരുന്നു. ഇതിനു പിന്നാലെ, ചിത്രത്തിന് 20 കോടി മുതല്‍ 35 കോടി വരെ ചെലവ് ആയിട്ടുണ്ടെന്നും റിപ്പോര്‍ട്ടുകളെത്തി. അതിനിടെയാണ് യഥാര്‍ഥ കണക്കുമായി നിര്‍മാതാവ് തന്നെ എത്തിയത്.
