അബുദാബി- ചൈനീസ് ഇലക്ട്രോണിക് നിര്മാതാക്കളായ ഓണര് യു.എ.ഇയില് ഏറ്റവും കനം കുറഞ്ഞതും ഭാരം കുറഞ്ഞതുമായ മടക്കാവുന്ന സ്മാര്ട്ട്ഫോണ്, മാജിക് വി2 പുറത്തിറക്കി, വില 6,899 ദിര്ഹം.
231 ഗ്രാം മാത്രം ഭാരവും മടക്കിയാല് 9.9 എംഎം കനവുമുള്ള പുതിയ സ്മാര്ട്ട്ഫോണില് 5,000 എംഎഎച്ച് ബാറ്ററിയും അഞ്ച് ക്യാമറകളും സജ്ജീകരിച്ചിരിക്കുന്നു.
പ്രീഓര്ഡറുകള് ഫെബ്രുവരി 2 മുതല് 8 വരെ അതിന്റെ വെബ്സൈറ്റ് വഴി. ബോസ് ക്വയറ്റ് കംഫര്ട്ട് അള്ട്രാ ഹെഡ്ഫോണുകള്, ഓണര് വാച്ച് ജിഎസ്3, മാജിക് വി2 കെയ്സ്, വിഐപി കെയര്+ എന്നിവയുള്പ്പെടെ 24 മാസത്തെ സ്ക്രീന് റീപ്ലേസ്മെന്റ് വാറന്റി, വിപുലീകൃത 30 ദിവസത്തെ റീപ്ലേസ്മെന്റ് ഗ്യാരണ്ടി, വിപുലീകൃതമായ 24 മാസത്തെ ഗ്യാരണ്ടി എന്നിവ ഉള്പ്പെടെ 4,744 ദിര്ഹം വിലയുള്ള സൗജന്യ സമ്മാനങ്ങള് വാങ്ങുന്നവര്ക്ക് ലഭിക്കും.
കറുപ്പ്, പര്പ്പിള് നിറങ്ങളില് ലഭ്യമാണ്, കൂടാതെ വെഗന് ലെതര് ബാക്ക് ഉള്ള കറുപ്പില് ഒരു പ്രത്യേക പതിപ്പും ലഭ്യമാണ്.
