ഷാര്ജ- ഷാര്ജയിലെ അല് ദൈദിന്റെ പ്രവേശന കവാടത്തില് ഈയിടെ അനാച്ഛാദനം ചെയ്ത മസ്ജിദിന്റെ താഴികക്കുടം ശ്രദ്ധേയമാകുന്നു. ഒരു ഗ്ലാസ് ബോള് ആണ് താഴികക്കുടം. അതുല്യമായ വാസ്തുവിദ്യാ കൗശലത്തിന്റെ മകുടോദാഹരണമായ മസ്ജിദ് പൂര്ണമായും ഉദാരമതിയായ ഒരു മനുഷ്യസ്നേഹിയുടെ ചെലവില് നിര്മ്മിച്ചതാണ്.
മസ്ജിദ് ഇപ്പോഴും നിര്മ്മാണത്തിലാണ്, എന്നാല് പദ്ധതിയുടെ ഒരു പ്രധാന ഭാഗം ഇതിനകം പൂര്ത്തിയായി.
മസ്ജിദിന്റെ സമകാലിക ശൈലിയിലുള്ള മിനാരം വ്യതിരിക്തമായ സര്പ്പിളാകൃതിയിലാണ് രൂപകല്പ്പന ചെയ്തിരിക്കുന്നത്, അതിനോട് ചേര്ന്ന് ഗോളാകൃതിയിലുള്ള ഗ്ലാസ് ഘടനയുണ്ട്, അവിടെ ആരാധകര് പ്രാര്ത്ഥനക്കായി ഒത്തുകൂടുന്നു.
മസ്ജിദിന്റെ ഉള്വശം വിശാലവും വെളിച്ചമുള്ളതുമായ അന്തരീക്ഷം പ്രദാനം ചെയ്യുന്നു. ഗ്ലാസ് ഗോളത്തിന്റെ ജ്യാമിതീയ രൂപങ്ങള് ചുമരുകളിലും തറയിലും പ്രതിഫലിക്കുന്നു. പ്രവേശന കവാടത്തില്, ഖുര്ആനിലെ ആയത്ത് അല് കുര്സിയുടെ ലിഖിതം.
ഷാര്ജ ടിവി അവരുടെ ഔദ്യോഗിക ഇന്സ്റ്റാഗ്രാം അക്കൗണ്ടില് പങ്കുവെച്ച വീഡിയോയില് നിരവധി ആളുകള് വിസ്മയഭരിതരായി, പള്ളിയോടും അതിന്റെ രൂപകല്പ്പനയോടും തങ്ങളുടെ ഇഷ്ടം അറിയിച്ചു.
ആധുനിക സൗന്ദര്യശാസ്ത്രത്തെ ആത്മീയ ശാന്തതയുമായി സമന്വയിപ്പിച്ചുകൊണ്ട് മസ്ജിദ് അതിന്റെ അതുല്യമായ രൂപകല്പനയാല് ഹൃദയങ്ങളെ ആകര്ഷിക്കുന്നതായി കാഴ്ചക്കാര് സാക്ഷ്യപ്പെടുത്തുന്നു.
