ഹിറ്റ് ജോടിയായ മീര ജാസ്മിനും നരേനും വർഷങ്ങൾക്കു ശേഷം ഒരുമിക്കുന്ന ചിത്രമാണ് ക്വീൻ എലിസബത്ത്. ഡിസംബർ 29 ന് ചിത്രം തിേയറ്ററുകളിലെത്തും. ഒരിടവേളക്ക് ശേഷമുള്ള മീര ജാസ്മിന്റെ മടങ്ങിവരവ് കൂടിയാണ് ചിത്രം.എം. പത്മകുമാർ സംവിധാനം ചെയ്യുന്ന ചിത്രം കുടുംബ പ്രേക്ഷകരെ ലക്ഷ്യമിട്ട് ഒരുക്കുന്ന റൊമാന്റിക് കോമഡി എന്റർടെയിനറാണ്. രഞ്ജിത്ത് മണമ്പ്രക്കാട്ട്, എം. പത്മകുമാർ, ശ്രീറാം മണമ്പ്രക്കാട്ട് എന്നിവരും ചേർന്ന് ബ്ലൂ മൗണ്ട് പ്രൊഡക്ഷൻസിന്റെ ബാനറിൽ ആണ് ചിത്രം നിർമിച്ചത്.
അച്ചുവിന്റെ അമ്മ, മിന്നാമിന്നിക്കൂട്ടം, ഒരേ കടൽ തുടങ്ങിയ ചിത്രങ്ങൾക്ക് ശേഷം നരേനും മീര ജാസ്മിനും ഒരുമിക്കുന്ന ചിത്രമാണ് ക്യൂൻ എലിസബത്ത്. ശ്വേത മേനോൻ, രമേശ് പിഷാരടി, വി.കെ. പ്രകാശ്, രൺജി പണിക്കർ, ജോണി ആന്റണി, മല്ലിക സുകുമാരൻ, ജൂഡ് ആന്റണി ജോസഫ്, ആര്യ, ശ്രുതി രജനികാന്ത്, പേളി മാണി, സാനിയ ബാബു, നീന കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോൽ, ചിത്ര നായർ എന്നിവരാണ് മറ്റ് പ്രധാന വേഷങ്ങളിലെത്തുന്നത്. അർജുൻ ടി സത്യനാണ് ചിത്രത്തിന്റെ തിരക്കഥ.
