കറാച്ചി- പാക്കിസ്ഥാനിലെ അധോലോക നേതാവ് ദാവൂദ് ഇബ്രാഹീം വിഷം ഉള്ളിൽ ചെന്ന് അതീവഗുരുതരാവസ്ഥയിലാണെന്ന് ഇന്ന് രാവിലെ മുതൽ മാധ്യമ വാർത്തകളുണ്ടായിരുന്നു. വിഷം അകത്തുചെന്ന നിലയിൽ ഗുരുതരാവസ്ഥയിലായ ദാവൂദ് ഇബ്രാഹിമിനെ ആശുപത്രിയിൽ പ്രവേശിച്ചുവെന്ന് ചില മാധ്യമങ്ങൾ റിപ്പോർട്ട് ചെയ്തപ്പോൾ ദാവൂദ് ഇബ്രാഹീം മരിച്ചുവെന്നാണ് സമൂഹമാധ്യമങ്ങളിൽ നിറഞ്ഞത്. പാക് താൽക്കാലിക പ്രധാനമന്ത്രി അൻവർ ഉൽ ഹഖിന്റെ എക്‌സ് പ്ലാറ്റ്‌ഫോമിലെ സ്‌ക്രീൻ ഷോട്ടും ഇതിനോടൊപ്പം പങ്കുവെച്ചു. എന്നാൽ ഇത് അൻവർ ഉൽ ഹഖിന്റെ സോഷ്യൽ മീഡിയ എക്കൗണ്ടല്ലെന്ന് പിന്നീട് തെളിഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
'മനുഷ്യത്വത്തിന്റെ മിശിഹാ, എല്ലാ പാകിസ്ഥാൻ ഹൃദയങ്ങൾക്കും പ്രിയപ്പെട്ടവൻ, നമ്മുടെ പ്രിയപ്പെട്ട ദാവൂദ് ഇബ്രാഹിം അജ്ഞാതരുടെ വിഷബാധയെത്തുടർന്ന് അന്തരിച്ചു. കറാച്ചിയിലെ ആശുപത്രിയിൽ അദ്ദേഹം അന്ത്യശ്വാസം വലിച്ചു. അല്ലാഹു അദ്ദേഹത്തിന് സ്വർഗത്തിലെ ഏറ്റവും ഉയർന്ന സ്ഥാനം നൽകട്ടെ എന്നായിരുന്നു വൈറൽ സന്ദേശം.
എന്നാൽ വൈറൽ സ്‌ക്രീൻഷോട്ടിലെ ഉപയോക്തൃനാമം അൻവർ ഉൽ ഹഖിന്റെ ഔദ്യോഗിക എക്കൗണ്ടുമായി പൊരുത്തപ്പെടുന്നില്ലെന്ന് ഒരു സ്വതന്ത്ര വസ്തുതാ പരിശോധന വെബ്‌സൈറ്റായ DFRAC, X-ലെ ഒരു പോസ്റ്റിൽ പറഞ്ഞു.
Social media users are sharing a screenshot of a tweet of the Caretaker PM of Pakistan, where he’s writing about the death of Dawood Ibrahim.
— DFRAC (@DFRAC_org) December 18, 2023
1/3 pic.twitter.com/Y5iBw8cgFD
സ്‌ക്രീൻഷോട്ടിലെ ഉപയോക്തൃനാമത്തിൽ അൻവർ ഉൽ ഹഖിന്റെ പേരിലുള്ളതിനേക്കാൾ ഒരു കെ അധികം ഉണ്ടെന്ന് DFRAC വ്യക്തമാക്കി. 1955ൽ ജനിച്ച ദാവൂദ് മുംബൈയിലെ ഡോംഗ്രി ചേരി പ്രദേശത്താണ് (പഴയ ബോംബെ) താമസിച്ചിരുന്നത്. 1993ലെ മുംബൈ സ്‌ഫോടനത്തിന് ശേഷം അദ്ദേഹം ഇന്ത്യ വിട്ടു. 257 പേർ കൊല്ലപ്പെടുകയും 700 ലധികം ആളുകൾക്ക് പരിക്കേൽക്കുകയും ചെയ്ത, 1993 മാർച്ച് 12 ലെ മുംബൈ ബോംബാക്രമണ കേസിലെ മുഖ്യസൂത്രധാരൻ ദാവൂദ് ഇബ്രാഹീമാണ് എന്നാണ് കരുതുന്നത്.
