ആലപ്പുഴ - യൂത്ത് കോൺഗ്രസ് സംസ്ഥാന ഉപാധ്യക്ഷ അരിത ബാബുവിന് വീഡിയോ കാൾ വിളിച്ച് മൊബൈൽ ഫോണിലേക്ക് അശ്ലീല ദൃശ്യങ്ങൾ അയച്ച കേസിലെ പ്രതി അറസ്റ്റിൽ. മലപ്പുറം അമരമ്പലം സ്വദേശി തെക്ക് മാമ്പൊയിൽ ഏലാട്ടുപറമ്പിൽ ഷമീറി(35)നെയാണ് കായംകുളം പോലീസ് അറസ്റ്റ് ചെയ്തത്.
ഖത്തറിൽ ജോലി ചെയ്തിരുന്ന പ്രതിയെ ഈ സംഭവത്തെത്തുടർന്ന് ജോലിയിൽ നിന്നും കമ്പനി പിരിച്ചുവിടുകയായിരുന്നു. അറസ്‌ററ് രേഖപ്പെടുത്തി പ്രതിയെ സ്റ്റേഷൻ ജാമ്യത്തിൽ വിട്ടയച്ചതായി പോലീസ് പറഞ്ഞു.
സംഭവത്തിൽ അരിതക്ക് വീഡിയോയിലൂടെ പ്രതി ക്ഷമാപണം നടത്തി വീഡിയോ അയച്ചുകൊടുത്തിരുന്നു. ഒരു പെൺകുട്ടിക്കെതിരെയും ഇയാൾ ഇത്തരത്തിൽ ഇനി പ്രവർത്തിക്കാൻ പാടില്ലെന്നും അതിനാലാണ് പരാതി നൽകിയതെന്നും അരിതാ ബാബു വ്യക്തമാക്കിയിരുന്നു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
