തിരുവനന്തപുരം: യൂത്ത് കോണ്ഗ്രസിന്റെ വ്യാജ തെരഞ്ഞെടുപ്പ് തിരിച്ചറിയല് കാര്ഡ് കേസില് മുഖ്യ തിരഞ്ഞെടുപ്പ് ഓഫീസര്ക്ക് സംസ്ഥാന ഡി ജി പി പ്രാഥമിക റിപ്പോര്ട്ട് സമര്പ്പിച്ചു. യൂത്ത് കോണ്ഗ്രസ് തെരഞ്ഞെടുപ്പിന് വേണ്ടി സംസ്ഥാനത്ത് വ്യാപകമായി വ്യാജ തിരിച്ചറിയല് കാര്ഡുകള് തയ്യാറാക്കിയതായി റിപ്പോര്ട്ടില് ചൂണ്ടിക്കാട്ടുന്നു. ഇത് പൊതു തെരഞ്ഞെടുപ്പിനെ ബാധിക്കുന്ന കുറ്റകൃത്യമാണെന്നും റിപ്പോര്ട്ടില് പറയുന്നു. റിപ്പോര്ട്ടില് മുഖ്യ തിരഞ്ഞെടുപ്പ് കമ്മീഷനാണ് ഇനി തീരുമാനം എടുക്കുക. യൂത്ത് കോണ്ഗ്രസ് സംഘടനാ തിരഞ്ഞെടുപ്പില് വ്യാപകമായി വ്യാജ തിരിച്ചറിയല് കാര്ഡുകള് നിര്മ്മിച്ചെന്ന് റിപ്പോര്ട്ടില് വ്യക്തമാക്കുന്നുണ്ട്. വ്യത്യസ്ത ആപ്പുകളുടെ സഹായത്തോടെ തിരിച്ചറിയല് കാര്ഡുകള് നിര്മ്മിച്ചതായാണ് അന്വേഷണ സംഘത്തിന്റെ കണ്ടെത്തല്.
