കണ്ണൂര് - കണ്ണൂര് അയ്യന്കുന്നില് മാവോയിസ്റ്റ് -തണ്ടര്ബോള്ട്ട് ഏറ്റുമുട്ടല്. അയ്യന്ക്കുന്ന് ഉരുപ്പുംകുറ്റിക്ക് സമീപത്തെ വനാതിര്ത്തിയിലാണ് ഏറ്റുമുട്ടല് നടന്നത്. മാവോയിസ്റ്റുകള്ക്കായി തെരച്ചില് നടക്കുന്നതിനിടയിലാണ് ഏറ്റുമുട്ടലുണ്ടായത്. തണ്ടര്ബോള്ട്ട് - എ എന് എഫ് സംഘത്തിന്റെ തെരച്ചിലിനിടെ മാവോയിസ്റ്റുകള് വെടി ഉതിര്ക്കുകയായിരുന്നു. സംഭവത്തെ തുടര്ന്ന് കരിക്കോട്ടക്കരി- ഉരുപ്പുംകുറ്റി പാത പൊലീസ് അടച്ചു. സ്ഥലത്ത് വന് പൊലീസ് സന്നാഹമാണുള്ളത്.വയനാട്ടിലെ പേര്യയില് കഴിഞ്ഞ ചൊവ്വാഴ്ച രാത്രിയുണ്ടായ പൊലീസ് മാവോയിസ്റ്റ് ഏറ്റുമുട്ടലിന്റെ പശ്ചാത്തലത്തില് ജില്ലയില് പൊലീസ് ജാഗ്രതയിലായിരുന്നു. കണ്ണൂര് ജില്ലയോടു ചേര്ന്നുള്ള ഭാഗത്താണ് അന്ന് വെടിവയ്പ് ഉണ്ടായത്. അന്ന് രണ്ടു പേര് പിടിയിലായിരുന്നു.
