തിരുവനന്തപുരം- അടുത്ത മൂന്ന് മണിക്കൂറില് കേരളത്തിലെ കൊല്ലം ജില്ലയില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ നേരിയതോ മിതമായതോ ആയ മഴയ്ക്കും മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരള തീരത്ത് 26-09-2023 രാത്രി 11.30 വരെ 1.8 മുതല് 2.1 മീറ്റര് വരെയും തെക്കന് തമിഴ്നാട് തീരത്ത് 26-09-2023 രാത്രി 11.30 വരെ 0.5 മുതല് 1.0 മീറ്റര് വരെയും ഉയര്ന്ന തിരമാലയ്ക്കും കടലാക്രമണത്തിനും സാദ്ധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രവും ്അറിയിച്ചു.