കൊച്ചി- ലാലു അലക്സ്, ദീപക് പറമ്പോള് എന്നിവര് പ്രധാന വേഷത്തില് എത്തുന്ന ചിത്രം ഇമ്പത്തിന്റെ ഫസ്റ്റ്ലുക്ക് പോസ്റ്റര് പുറത്തിറക്കി. ബെംഗളൂരു ആസ്ഥാനമായ മാമ്പ്ര സിനിമാസിന്റെ ബാനറില് ഡോ. മാത്യു മാമ്പ്ര നിര്മ്മിച്ചിരിക്കുന്ന സിനിമ തിരക്കഥയെഴുതി സംവിധാനം ചെയ്യുന്നത് ശ്രീജിത്ത് ചന്ദ്രനാണ്.
ബ്രോ ഡാഡി എന്ന ചിത്രത്തിന് ശേഷം ലാലു അലക്സ് പ്രധാന വേഷത്തില് എത്തുന്ന ചിത്രത്തില് മീര വാസുദേവ്, ദര്ശന സുദര്ശന്, ഇര്ഷാദ്, കലേഷ് രാമാനന്ദ്, ദിവ്യ എം നായര്, ശിവജി ഗുരുവായൂര്, നവാസ് വള്ളിക്കുന്ന്, വിജയന് കാരന്തൂര്, മാത്യു മാമ്പ്ര, ഐ. വി ജുനൈസ്, ജിലു ജോസഫ്, സംവിധായകരായ ലാല് ജോസ്, ബോബന് സാമുവല് തുടങ്ങിയവരും മറ്റ് കഥാപാത്രങ്ങളെ അവതരിപ്പിക്കുന്നു.
മുഴുനീള ഫാമിലി എന്റര്ടൈനറായ ചിത്രത്തില് ദേശീയ അവാര്ഡ് ജേതാവ് അപര്ണ ബാലമുരളി, ശ്രീകാന്ത് ഹരിഹരന്, സിത്താര കൃഷ്ണകുമാര് തുടങ്ങിയവര് ഗാനങ്ങള് ആലപിക്കുന്നു എന്നത് മറ്റൊരു പ്രത്യേകതയാണ്.
ഛായാഗ്രഹണം: നിജയ് ജയന്, എഡിറ്റിംഗ്: കുര്യാക്കോസ് ഫ്രാന്സിസ് കുടശ്ശെരില്, സംഗീതം: പി. എസ് ജയഹരി, ഗാനരചന: വിനായക് ശശികുമാര്, പി. ആര്. ഓ: പി. ശിവപ്രസാദ്, മഞ്ജു ഗോപിനാഥ്.
