മുംബൈ- വ്യാഴാഴ്ച വൈകിട്ട് ദല്ഹിയിലെ നാഷണല് മീഡിയ സെന്ററില് വെച്ചാണ് 69-ാമത് ദേശീയ ഫിലിം അവാര്ഡുകള് പ്രഖ്യാപിച്ചത്. ആലിയ ഭട്ട്, കൃതി സനാന് എന്നിവര് മികച്ച നടിക്കുള്ള ദേശീയ പുരസ്കാരം പങ്കിട്ടു.
അല്പം മുമ്പ് നടി കങ്കണ തന്റെ സോഷ്യല് മീഡിയ ഹാന്ഡില് വാര്ത്തയോട് പ്രതികരിച്ചു്. കങ്കണ എഴുതി: എല്ലാ വിജയികള്ക്കും അഭിനന്ദനങ്ങള്. രാജ്യത്തുടനീളമുള്ള എല്ലാ കലാകാരന്മാരെയും ഒരുമിച്ച് കൊണ്ടുവരുന്ന വേദിയാണിത്. എല്ലാ ഭാഷകളിലേയും മികച്ച കലാകാരന്മാരെ അറിയുക ശരിക്കും മാന്ത്രികമാണ്.
എന്റെ തലൈവി എന്ന സിനിമക്ക് പുരസ്കാരം നിരാശരായ നിങ്ങളെല്ലാവരും... ദയവായി അറിയുക, കൃഷ്ണ ഭഗവാന് എനിക്ക് നല്കിയതിനും നല്കാത്തതിനും ഞാന് എന്നെന്നും നന്ദിയുള്ളവളായിരിക്കും. എന്നെ ശരിക്കും സ്നേഹിക്കുകയും അഭിനന്ദിക്കുകയും ചെയ്യുന്ന എല്ലാവരേയും അഭിനന്ദിക്കുന്നു ... കല ആത്മനിഷ്ഠമാണ്, ജൂറി അവരുടെ പരമാവധി ചെയ്തുവെന്ന് ഞാന് ശരിക്കും വിശ്വസിക്കുന്നു.... എല്ലാവര്ക്കും ആശംസകള് നേരുന്നു. ഹരേ കൃഷ്ണ.'
അരവിന്ദ് സ്വാമി, നാസര്, രാജ് അര്ജുന്, സമുദ്രക്കനി എന്നിവരും അഭിനയിച്ച തലൈവി തമിഴ്്നാട് മുന് മുഖ്യമന്ത്രി ജയലളിതയുടെ ജീവിതത്തെ അടിസ്ഥാനമാക്കിയുള്ളതാണ്. ഇതില് ജയലളിതയുടെ വേഷമിട്ട കങ്കണക്ക് പുരസ്കാരം ലഭിക്കുമെന്ന് പലരും കരുതിയിരുന്നു. അവസാന നിമിഷം വരെ കങ്കണയുടെ പേര് പരിഗണിക്കപ്പെടുകയും ചെയ്ത ശേഷമാണ് ആലിയ ഭട്ടിലേക്ക് പോയത്.
