വാട്‌സ്ആപ് ചാറ്റിൽ ചെറുവീഡിയോകൾ അയക്കാൻ സാധിക്കുന്ന ഇൻസ്റ്റന്റ് വീഡിയോ ഫീച്ചർ അവതരിപ്പിച്ച് മെറ്റ. 60 സെക്കന്റ് നേരത്തേക്കാണ് വീഡിയോ റെക്കോർഡ് ചെയ്ത് അയക്കാൻ സാധിക്കുന്നത്. വോയ്‌സ് മെസേജുകൾക്ക് സമാനമായി വീഡിയോ അയക്കാൻ പറ്റുന്നതാണ് പുതിയ ഫീച്ചർ.
എന്നാൽ സാധാരണ വീഡിയോയിൽ നിന്ന് വ്യത്യസ്തമായി ശബ്ദമില്ലാതെയാകും ഇത്തരം വീഡിയോകൾ ആദ്യം പ്ലേ ആവുക. വീഡിയോകൾ ഓട്ടോമാറ്റിക് ആയി പ്ലേ ചെയ്തുകൊണ്ടിരിക്കും. നിശ്ശബ്ദമായാണ് പ്ലേ ആവുക എങ്കിലും വീഡിയോയിൽ ടാപ് ചെയ്താൽ ശബ്ദം കേൾക്കാം.വൃത്താകൃതിയലായിരിക്കും ഇത്തരം സന്ദേശങ്ങൾ ചാറ്റ് വിൻഡോയിൽ ദൃശ്യമാകുക. ഇത്തരം വീഡിയോ മെസേജുകളും എൻഡ് ടു എൻഡ് എൻക്രിപ്റ്റഡ് ആയിരിക്കും.
വോയിസ് മെസേജുകൾ റെക്കോഡ് ചെയ്യുന്ന രീതിയൽ തന്നെയാണ് ഇൻസ്റ്റന്റ് വിഡിയോയും റെക്കോഡ് ചെയ്യുന്നത്. ടെക്സ്റ്റ് ടൈപ് ചെയ്യാനുള്ള ഇടത്തിന് വലതു വശത്തായി ആയിരിക്കും വീഡിയോ റെക്കോഡ് ചെയ്യാനുള്ള ഐക്കൺ ഉണ്ടായിരിക്കുക. വരും ദിവസങ്ങളിൽ എല്ലാവർക്കുമായി ഈ അപ്‌ഡേഷൻ ലഭ്യമാകും.
