ന്യൂദല്‍ഹി- എസ്എന്‍സി ലാവലിന്‍ കേസ് സുപ്രിം കോടതിയുടെ പുതിയ ബെഞ്ച് ജൂലൈ 18ന് പരിഗണിക്കും. ജസ്റ്റിസ് സൂര്യകാന്ത്, ജസ്റ്റിസ് ദീപാങ്കര്‍ ദത്ത എന്നിവരടങ്ങുന്ന രണ്ടംഗ ബെഞ്ചാണ് കേസ് പരിഗണിക്കുക.
ഇതുവരെയായി മുപ്പതിലേറെ തവണയാണ് ഈ കേസ് മാറ്റിവെച്ചത്. മലയാളി ജസ്റ്റിസ് സി. ടി. രവികുമാര്‍ പിന്‍മാറിയതോടെയാണ് കേസ് പുതിയ ബെഞ്ചിന് കൈമാറിയത്. ഹൈക്കോടതിയില്‍ താന്‍ ഈ കേസില്‍ വാദം കേട്ടിരുന്നുവെന്ന് വ്യക്തമാക്കിയാണ് ജസ്റ്റിസ് സി. ടി. രവി കുമാറിന്റെ പിന്‍മാറ്റം.
കേസില്‍ നിന്നും മുഖ്യമന്ത്രി ഉള്‍പ്പെടെയുള്ളവരെ കുറ്റവിമുക്തരാക്കിയതിനെതിരായ സി. ബി. ഐയുടെ ഹരജിയും വിചാരണ നേരിടണമെന്ന ഹൈക്കോടതിയുടെ വിധിക്കെതിരെയുള്ള ഹരജിയുമാണ് കോടതി പരിഗണിക്കുന്നത്.
