ന്യൂദല്‍ഹി- വിമാനം വൈകുന്നതിനെക്കുറിച്ച് ട്വീറ്റ് ചെയ്ത നടി നേഹ ധൂപിയക്ക് നടന്‍ സോനു സൂദിന്റെ സഹായം. ലൈഫ് സേവര്‍ എന്നാണ് സഹായം ലഭിച്ച ശേഷം സോനുസൂദിനെ നടി അടുത്ത ട്വീറ്റില്‍ വിശേഷിപ്പിച്ചത്. എന്ന് വിളിക്കുന്നു
മോശം കാലാവസ്ഥയ്ക്കിടയില്‍ ഒന്നിലധികം വിമാനങ്ങള്‍ വൈകിയതിനാല്‍ താന്‍ ആശങ്കയിലാണെന്ന് നേഹ ട്വീറ്റ് ചെയ്തിരുന്നു. പിന്നീട്, സോനുവിന്റെ പെട്ടെന്നുള്ള പ്രതികരണത്തിന് നന്ദി പറഞ്ഞുകൊണ്ട് മറ്റൊരു ട്വീറ്റ് കൂടി അവര്‍ പങ്കുവെച്ചു. ഏറ്റവും വിശ്വസനീയമായ ഹെല്‍പ്പ് ലൈന്‍, സോനു സൂദ്, ലൈഫ് സേവര്‍ തുടങ്ങിയ ഹാഷ് ടാഗുകളോടെയായിരുന്നു നേഹയുടെ ട്വീറ്റ്. ഒരു ഫോണ്‍ കോള്‍ മതി സുഹൃത്തേയെന്നാണ് ഇതിന് സോനു നല്‍കിയ മറുപടി ട്വീറ്റ്.
