അബുദാബി- ഈദ് അൽ അദ്‌ഹ അവധി ആരംഭിച്ചിരിക്കെ യു.എ.ഇയിലെ എയർപോർട്ടുകളിൽ വൻ തിരക്ക്. അബുദാബി ഇന്റർനാഷണൽ എയർപോർട്ടിൽ ജൂലൈ ഏഴുവരെ ഒമ്പത് ലക്ഷം യാത്രക്കാരെയാണ് പ്രതീക്ഷിക്കുന്നതെന്ന് അബുദാബി എയർപോർട്ട്സ് വെളിപ്പെടുത്തി.
കഴിഞ്ഞ ദിവസം മുതൽ നല്ല തിരക്കാണ് അനുഭവപ്പെടുന്നത്. ജൂലൈ 7 വരെ 59 രാജ്യങ്ങളിലേക്കുള്ള 5,000 വിമാന സർവീസുകളിൽ അബുദാബി അന്താരാഷ്ട്ര വിമാനത്താവളത്തിലൂടെ ഇത്രയും യാത്രക്കാർ കടന്നുപോകുമെന്നാണ് അബുദാബി എയർപോർട്ട് കണക്കാക്കുന്നത്.
തിങ്കളാഴ്ചയും ജൂലൈ രണ്ടിനുമാണ് വലിയ തിരക്ക് പ്രതീക്ഷിക്കുന്നത്. യു.എ.ഇയിലെ അഞ്ച് വിമാനത്താവളങ്ങളിലും തിരക്കു വർധിക്കും
