കൊച്ചി - വന്ദേ ഭാരത് എക്സ്പ്രസിന് തിരൂരില് സ്റ്റോപ്പ് അനുവദിക്കണമെന്നാവശ്യപ്പെട്ടുള്ള പൊതു താല്പര്യ ഹര്ജി ഹൈക്കോടതി തള്ളി. ഹര്ജിയില് ഇടപെടാനാകില്ലെന്ന് കോടതി വ്യക്തമാക്കി. ഓരോരുത്തരുടെ താല്പര്യത്തിന് സ്റ്റോപ് അനുവദിച്ചാല് എക്സ്പ്രസ് ട്രെയിന് എന്ന സങ്കല്പം ഇല്ലാതാകുമെന്നും ഇക്കാര്യത്തില് റെയില്വേയാണ് തീരുമാനിക്കേണ്ടതെന്നും ഹൈക്കോടതി അഭിപ്രായപ്പെട്ടു. മലപ്പുറം സ്വദേശിയാണ് ഹൈക്കോടതിയില് പൊതുതാല്പര്യ ഹര്ജി നല്കിയിരുന്നത്.
