അൽകോബാർ- പ്രവാസി വെൽഫെയർ അൽകോബാർ റീജ്യണൽ കമ്മിറ്റിയുടെ ആഭിമുഖ്യത്തിൽ ലീഡേഴ്സ് കുടുംബ ഇഫ്താർ സംഘടിപ്പിച്ചു. അൽകോബാർ നെസ്റ്റോ ഹാളിൽ നടന്ന സംഗമത്തിൽ പ്രൊവിൻസ് പ്രസിഡന്റ് ഷബീർ ചാത്തമംഗലം മുഖ്യ പ്രഭാഷണം നിർവഹിച്ചു.
പ്രവിശ്യയിൽ ജനസേവന രംഗത്തും സാമൂഹിക നീതിക്കു വേണ്ടിയുള്ള പ്രവർത്തനത്തിലും പ്രവാസി വെൽഫെയറിന്റെ പ്രവർത്തനം ശ്ലാഘനീയമാണെന്നും, നേതാക്കൾ തുടർന്നും അതിന്റെ മുൻനിരയിൽ തന്നെയുണ്ടാവണമെന്നും അദ്ദേഹം ആഹ്വാനം ചെയ്തു. കോബാർ റീജ്യണൽ കമ്മിറ്റി പ്രസിഡന്റ് അൻവർ സലീം അധ്യക്ഷത വഹിച്ചു.
ജനറൽ സെക്രട്ടറി ഷജീർ തൂണേരി സ്വാഗതം പറഞ്ഞു. റീജ്യണൽ കമ്മിറ്റി, വിവിധ ജില്ലാ കമ്മിറ്റികൾ, വനിതാ മേഖലാ നേതാക്കൾ എന്നിവരാണ് സംഗമത്തിൽ പങ്കെടുത്തത്. ഇല്യാസ് എ.കെ, ജുബൈരിയ ഹംസ, ആരിഫ ബക്കർ, താഹിറ ഷജീർ, അനീസ സിയാദ് എന്നിവർ നേതൃത്വം നൽകി.
