ദോഹ- ഇന്ത്യയിലേക്ക് യു.പി.ഐ ലിങ്ക്ഡ് പണ കൈമാറ്റം ആരംഭിച്ച ഖത്തർ കൊമേഴ്സ്യൽ ബാങ്കിന് ഇന്ത്യൻ എംബസി അഭിനന്ദനം. ഖത്തറിൽ നിന്ന് സെക്കന്റുകൾക്കുള്ളിൽ ഇന്ത്യയിലേക്ക് പണയമക്കുന്നതിനുള്ള ഏറ്റവും അനായാസമായ രീതിയാണ് കൊമേഴ്സ്യൽ ബാങ്ക് ആരംഭിച്ചത്.
യൂണിഫൈഡ് പേയ്മെന്റ് ഇന്റർഫേസ് എന്നത് ഒരു സ്മാർട്ട് ഫോൺ ആപ്പിൽ ഒന്നിലധികം ബാങ്ക് അക്കൗണ്ടുകൾ ലിങ്ക് ചെയ്യാനും ഐ.എഫ്.എസ്.സി കോഡോ അക്കൗണ്ട് നമ്പറോ നൽകാതെ തന്നെ ഫണ്ട് ട്രാൻസ്ഫറുകൾ നടത്താനും ഉപയോക്താക്കളെ അനുവദിക്കുന്ന ഒരു പേയ്മെന്റ് സംവിധാനമാണ്. തത്സമയ അടിസ്ഥാനത്തിൽ പണം തൽക്ഷണം ക്രെഡിറ്റ് ചെയ്യപ്പെടുന്ന ഒരു തത്സമയ പേയ്മെന്റ് സംവിധാനമാണിത്. ഇന്ത്യയിലേക്ക് യു.പി.ഐ ലിങ്ക്ഡ് പണ കൈമാറ്റം ആരംഭിച്ച ഖത്തറിലെ ആദ്യത്തെ ബാങ്കായതിന് കൊമേഴ്സ്യൽ ബാങ്കിനെ ഖത്തറിലെ ഇന്ത്യൻ എംബസി അഭിനന്ദിച്ചു. ഇന്ത്യയും ഖത്തറും തമ്മിലുള്ള വ്യാപാര, നിക്ഷേപ ബന്ധങ്ങളെ ഉത്തേജിപ്പിക്കുന്നതോടൊപ്പം എളുപ്പവും സുരക്ഷിതവും ചെലവ് കുറഞ്ഞതുമായ പണ ഇടപാടുകൾക്ക് ഇത് തുടക്കമിടും.