റിയാദ്- സൗദി അറേബ്യയുടെ ടൂറിസം അംബാസഡറായ അര്ജന്റീന ഫുട്ബോള് താരം ലയണല് മെസ്സി ഈ മാസം വീണ്ടും സൗദി സന്ദര്ശിക്കും. മെസ്സിയും കുടുംബവും ഈ മാസം സൗദി സന്ദര്ശിക്കുന്ന കാര്യ ടൂറിസം മന്ത്രി അഹ്് മദ് അല് ഖത്തീബാണ് പ്രഖ്യാപിച്ചത്.
സൗദിയുടെ ടൂറിസം അംബസഡറായി നിയമിതനായ ശേഷം കഴിഞ്ഞ വര്ഷം മേയിലാണ് മെസ്സി സൗദിയിലെത്തിയിരുന്നത്.
സൗദിയുടെ ടൂറിസം അംബാസഡറായ മെസ്സിയേയും കുടുംബത്തേയും സുഹൃത്തുക്കളേയും രണ്ടാം സന്ദര്ശനത്തിന് സൗദിയിലേക്ക് സ്വാഗതം ചെയ്യുന്നതില് അതിയായ സന്തോഷമുണ്ടെന്ന് മന്ത്രി അഹ്്മദ് അല് ഖത്തീബ് ട്വീറ്റ് ചെയ്തു. രാജ്യത്തെ ഏറ്റവും മനോഹരമായ ടൂറിസം കേന്ദ്രങ്ങള് മെസ്സി സന്ദര്ശിക്കുമെന്നും ട്വീറ്റില് പറഞ്ഞു.
ടൂറിസം അംബസഡറായി കഴിഞ്ഞ തവണ എത്തിയപ്പോള് മെസ്സി പ്രധാനമായും ജിദ്ദയാണ് സന്ദര്ശിച്ചത്. രണ്ടു മാസം നീണ്ടിരന്ന ജിദ്ദ സീസണ് ആഘോഷ വേളയിലായിരുന്നു സന്ദര്ശനം.
ലോകത്തെമ്പാടുമുള്ള സഞ്ചാരികള്ക്ക് സൗദിയിലെ മനോഹര ടൂറിസം കേന്ദ്രങ്ങള് പരിചയപ്പെടുത്തുന്നതിന്റെ ഭാഗമായാണ് മെസ്സിയെ ടൂറിസം അംബാസഡറായി പ്രഖ്യാപിച്ചത്.
I am happy to welcome our Tourism Ambassador and star Lionel Messi and his family and friends this month on his second visit to Saudi to enjoy our most beautiful tourism destinations, connect with our people and enjoy unique experiences! @VisitSaudi pic.twitter.com/GCpX6JLAVu
— Ahmed Al Khateeb أحمد الخطيب (@AhmedAlKhateeb) March 8, 2023
