കോഴിക്കോട്: രണ്ട് കുട്ടികള്‍ കരിങ്കൊടി കാട്ടുമ്പോള്‍ ഓടിയൊളിക്കുന്ന ഭീരുവാണ് മുഖ്യമന്ത്രി പിണറായി വിജയനെന്ന് പ്രതിപക്ഷ നേതാവ് വി ഡി സതീശന്‍. ജനകീയ സമരത്തില്‍ പങ്കെടുക്കുന്നവരെ കാണുമ്പോള്‍ അവരെ ആത്മഹത്യാ സ്‌ക്വാഡ് എന്നാണ് സി പി എം പാര്‍ട്ടി സെക്രട്ടറി വിളിക്കുന്നത്. എന്നാല്‍ പ്രതിഷേധിക്കുന്ന കെ എസ് യു പ്രവര്‍ത്തകരെയോര്‍ത്ത് അഭിമാനമാണെന്നും സമരം ശക്തിപ്പെടുത്തുമെന്നും വി ഡി സതീശന്‍ മാധ്യമ പ്രവര്‍ത്തകരോട് പറഞ്ഞു.
കാസര്‍കോട് മുതല്‍ തിരുവനന്തപുരം വരെ കരിങ്കൊടി കാണാന്‍ ഭാഗ്യം കിട്ടിയ മുഖ്യമന്ത്രിയാണ് പിണറായി വിജയന്‍. അദ്ദേഹം ഞങ്ങളെ പരിഹസിച്ചത് കൊണ്ടാണ് സമരം ഇത്ര ശക്തമാകുന്നത്. .സി പി എമ്മിന്റെ പ്രതിരോധ ജാഥ നടക്കുകയാണ്. ആ പേര് ജാഥയ്ക്ക് എല്ലാ അര്‍ത്ഥത്തിലും യോജിക്കും. എല്ലാ തരത്തിലും പ്രതിരോധത്തിലാണ് സി പി എം എന്നും പ്രതി്പക്ഷ നേതാവ് പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
