തൃശൂര്- അതിരപ്പിള്ളി കൊന്നക്കുഴിയില് സഹപ്രവര്ത്തകയെ പീഡിപ്പിക്കാന് ശ്രമിച്ച കേസില് കോണ്ഗ്രസ് സംഘടനാ നേതാവായ ബീറ്റ് ഫോറസ്റ്റ് ഓഫീസറെ സസ്പെന്ഡ് ചെയ്തു. ബീറ്റ് ഫോറസ്റ്റ് ഓഫീസര് എം.വി വിനയരാജിനെയാണ് സസ്പെന്ഡ് ചെയ്തത്. ഇയാള്ക്കെതിരെ പോലീസ് ജാമ്യമില്ലാ വകുപ്പ് പ്രകാരം കേസെടുത്തിരുന്നു. ഇതിന് പിന്നാലെയാണ് നടപടി. കൊന്നക്കുഴി ഫോറസ്റ്റ് സ്റ്റേഷനിലെ വനീതാ ജീവനക്കാരിയാണ് ബീറ്റ് ഫോറസ്റ്റ് ഓഫിസറായ എം.വി വിനയരാജിനെതിരെ പരാതി നല്കിയത്. കഴിഞ്ഞ മാസം 23 ന് കൊന്നക്കുഴി ഫോറസ്റ്റ് സ്റ്റേഷനില് വച്ച് പീഡിപ്പിക്കാന് ശ്രമിച്ചെന്നാണ് പരാതി. കഴിഞ്ഞ ചൊവ്വാഴ്ച നല്കിയ പരാതിയില് കഴിഞ്ഞ ദിവസമാണ് പോലീസ് കേസെടുത്തത്.
പരാതി ഒത്തുതീര്പ്പാക്കാന് ശ്രമമുണ്ടായതായും ആരോപണമുണ്ട്. എന്നാല് പരാതിക്കാരി ഉറച്ച് നിന്നതോടെയാണ് മൊഴിരേഖപ്പെടുത്തി പോലീസ് കേസെടുത്തത്. ഇന്ത്യന് ശിക്ഷാ നിയമം 354, 509, 506, 376 വകുപ്പുകള് ചുമത്തിയിട്ടുണ്ട്. കേസെടുത്ത ശേഷം ഉദ്യോഗസ്ഥന് ഒളിവിലാണെന്ന് അതിരപ്പിള്ളി പോലീസ് പറയുന്നു. ഓഫീസിലും ജോലിക്ക് എത്തിയിട്ടില്ല. പ്രതി മുന്കൂര് ജാമ്യത്തിനായി ശ്രമിക്കുന്നതായി സൂചനയുണ്ട്
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)