കൊച്ചി- ജോഷി മാത്യു സംവിധാനം നിര്‍വഹിക്കുന്ന നൊമ്പരക്കൂട് സിനിമയിലെ നായികയാണ് പുതുമുഖം ഹര്‍ഷിദ. 15-ാമത് ജയ്പൂര്‍ ഇന്റര്‍നാഷണല്‍ ഫിലിം ഫെസ്റ്റിവലില്‍ ഈ ചിത്രം തെരഞ്ഞെടുത്തിരുന്നു.
ജനുവരി ആറു മുതല്‍ 10 വരെ ജയ്പൂരില്‍ നടന്ന ഫെസ്റ്റിവലില്‍ ഹര്‍ഷിദക്ക് മികച്ച സപ്പോര്‍ട്ടിങ് റോളിനുള്ള പുരസ്‌ക്കാരം ലഭിച്ചിരുന്നു. ഈ പുരസ്‌ക്കാരം ഏറ്റുവാങ്ങുമ്പോള്‍ മനസ്സില്‍ നൊമ്പരങ്ങള ആഹ്ലാദത്തിന്റെ നിമിഷങ്ങളാണ് തിരകള്‍ പോലെ ഉയര്‍ന്നു പൊങ്ങിയത്.
ഒരു മുത്തച്ഛനും ചെല്ലക്കുട്ടിയും തമ്മിലുള്ള ആത്മ ബന്ധത്തിന്റെ കഥ പറയുന്ന ഈ ചിത്രത്തില്‍ മനസ്സിനെ സാന്ത്വനപെടുത്തുന്നതും ഹൃദയം കവരുന്നതുമായ ഒട്ടേറെ ജീവിതമുഹൂര്‍ത്തങ്ങളാണ് ഒരുക്കിവെച്ചിരിക്കുന്നത്. നീതു എന്നു പേരുള്ള ആ പേരക്കുട്ടി ലണ്ടനില്‍ നിന്നും നാട്ടിലെത്തുന്നതോടെയാണ് ഈ സിനിമയുടെ കഥയെ ഉണര്‍വ്വിലേക്കു നയിക്കുന്നത്.
കോട്ടയം ഗിരിദീപം സ്‌കൂളിലെ പ്ലസ് ടു വിദ്യാര്‍ഥിനിയാണ് ഹര്‍ഷിദ. നല്ല വേഷങ്ങളിലൂടെ സിനിമ രംഗത്ത് തുടരാനാണ് മോഹം.
