ഒറ്റപ്പാലം- മാനസികവൈകല്യമുള്ള യുവതിയെ പീഡിപ്പിച്ച കേസിൽ യുവാവ് അറസ്റ്റിൽ. 21-കാരിയുടെ പരാതിയിൽ പഴയലക്കിടി അകലൂർ വെള്ളിക്കുളങ്ങര ഹംസ(28)യാണ് ഒറ്റപ്പാലം പോലീസ് അറസ്റ്റ് ചെയ്തത്. ഈ മാസം 16നായിരുന്ന കേസിനാസ്പദമായ സംഭവം. പ്രതി നടത്തുന്ന സ്ഥാപനത്തിൽ വെച്ചും വീടിനു സമീപത്തു വെച്ചും താൻ പീഡനത്തിനിരയായതായി യുവതി പോലീസിന് നൽകിയ പരാതിയിൽ പറയുന്നു. ഒരു ബോധവൽക്കരണ ക്ലാസിൽ വെച്ചാണ് യുവതി പീഡനവിവരം വെളിപ്പെടുത്തിയത്. പ്രതിയെ ഒറ്റപ്പാലം കോടതി റിമാന്റ് ചെയ്തു.