Sorry, you need to enable JavaScript to visit this website.

ദുബായ് ടാക്‌സികളില്‍ ഡ്രൈവര്‍മാരെ നിരീക്ഷിക്കാന്‍ ക്യാമറ

ദുബായ്- ടാക്‌സി ഡ്രൈവര്‍മാരുടെ പെരുമാറ്റം നിരീക്ഷിക്കാന്‍ ദുബായില്‍ 6,500 ടാക്‌സികള്‍ റോഡ്‌സ് ആന്റ് ട്രാന്‍സ്‌പോര്‍ട്ട് അതോറിറ്റി (ആര്‍ ടി എ) ക്യാമറ ഘടിപ്പിച്ചു. ദുബായിലെ 10,221 ടാക്‌സി കാറുകളിലും ഈ വര്‍ഷാവസാനത്തോടെ ക്യാമറ ഘടിപ്പിക്കല്‍ പൂര്‍ത്തിയാക്കുമെന്ന് ആര്‍ ടി എ അറിയിച്ചു. യാത്രക്കാരോടുള്ള ഡ്രൈവര്‍മാരുടെ പെരുമാറ്റവും ഡ്രൈവിങ് നിയമങ്ങള്‍ എത്രത്തോളം പാലിക്കപ്പെടുന്നുണ്ടെന്നും ഈ ക്യാമറകള്‍ വഴി ആര്‍ ടി എ നിരീക്ഷിക്കും. ഏതെങ്കിലും തരത്തിലുള്ള പരാതി ലഭിച്ചാലുടന്‍ ഈ ക്യാമറ ഒപ്പിയെടുത്ത ദൃശ്യങ്ങള്‍ ആര്‍ ടി എ വീണ്ടെടുത്ത് പരിശോധിച്ച് നടപടിയെടുക്കുമെന്ന് ആര്‍ടിഎ ഡയറക്ടര്‍ ആദില്‍ ശക്രി പറഞ്ഞു.

ടാക്‌സി സേവനം ഉപയോഗപ്പെടുത്തുന്നവര്‍ക്ക് മികച്ച യാത്രാനുഭവവും സുരക്ഷയും ഉറപ്പു വരുത്താനാണ് കാറുകള്‍ക്കുള്ളില്‍ തന്നെ നിരീക്ഷണ ക്യാമറകള്‍ സ്ഥാപിക്കുന്നത്. ഇതുവഴി ഡ്രൈവര്‍മാരുടെ പ്രവര്‍ത്തന മികവും കാര്യക്ഷമതയും ഉറപ്പുവരുത്താനാകുമെന്നും ആര്‍ടിഎ പറയുന്നു.
 

Latest News