കൊച്ചി-നടി മൈഥിലിയ്ക്ക് കുഞ്ഞു പിറന്നു. ആണ്കുഞ്ഞിന് ജന്മം നല്കിയ വിവരം നടി തന്നെയാണ് സോഷ്യല്മീഡിയയിലൂടെ അറിയിച്ചത്. നീല് സമ്പത്ത് എന്നു കുഞ്ഞിന് പേരിടുകയും ചെയ്തു. കഴിഞ്ഞ ഏപ്രില് 28നായിരുന്നു നടി മൈഥിലിയുടെയും ആര്ക്കിടെക്റ്റായ സമ്പത്തിന്റെയും വിവാഹം. ബ്രെറ്റി ബാലചന്ദ്രന് എന്നാണ് മൈഥിലിയുടെ യഥാര്ഥ പേര്.
രഞ്ജിത്ത് സംവിധാനം ചെയ്ത പാലേരിമാണിക്യം എന്ന ചിത്രത്തിലൂടെയായിരുന്നു മൈഥിലിയുടെ അരങ്ങേറ്റം. കേരള കഫെ, ചട്ടമ്പിനാട്, ഈ അടുത്തകാലത്ത്, സോള്ട്ട് ആന്ഡ് പെപ്പര്, നല്ലവന്, ബ്രേക്കിംഗ് ന്യൂസ്, മാറ്റിനി, മായാമോഹിനി, നാടോടിമന്നന്, വെടിവഴിപാട്, ഞാന്, ലോഹം, മേരാ നാം ഷാജി തുടങ്ങിയവയാണ് ശ്രദ്ധേയ ചിത്രങ്ങള്.ലോഹം സിനിമയില് ഗായികയായും മൈഥിലി അരങ്ങേറ്റം കുറിച്ചിരുന്നു. ചട്ടമ്പി എന്ന ചിത്രമാണ് മൈഥിലിയുടേതായി അവസാനം റിലീസിനെത്തിയ സിനിമ.
