ജിദ്ദ- ആദ്യത്തെ മലയാള അറബിക് ചിത്രമായ ആയിഷയിലെ മനോഹര ഗാനം പുറത്തിറങ്ങി. മഞ്ജു വാര്യര്‍ കേന്ദ്ര കഥാപാത്രമായി എത്തുന്ന സിനിമയിലെ 'കണ്ണില് കണ്ണില്' എന്ന് തുടങ്ങുന്ന ഗാനമാണ് റിലീസ് ചെയ്തത്.
നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് സംവിധായകന്‍ സക്കറിയയാണ്. രചന ആഷിഫ് കക്കോടി.
ഇതുവരെ കാണാത്ത പുതിയ ലുക്കിലാണ് മഞ്ജു പുറത്തു വന്ന സിനിമയുടെ പോസ്റ്ററുകളില്‍. ടൈറ്റില്‍ കഥാപാത്രത്തെ നടി തന്നെയാണ് അവതരിപ്പിക്കുന്നത്. ചിത്രീകരണം പൂര്‍ണമായും ഗള്‍ഫ് നാടുകളിലാണ്. മലയാളത്തിനും അറബിക്കും പുറമെ ഇംഗ്ലീഷിലും മറ്റ് ഇന്ത്യന്‍ ഭാഷകളിലും ചിത്രം പ്രദര്‍ശനത്തിനെത്തും.
