ദോഹ-രാജ്യത്ത് ഡെലിവറി ബൈക്ക് അപകടങ്ങള് കുറക്കുന്നതിനെ കുറിച്ച് ജനറല് ഡയറക്ടറേറ്റ് ഓഫ് ട്രാഫിക് പഠിച്ചുവരികയാണെന്നും ബോധവല്ക്കരണത്തിന്റെ ഭാഗമായി ശില്പശാല സംഘടിപ്പിച്ചതായും മീഡിയ ആന്ഡ് ട്രാഫിക് അവയര്നസ് ഡിപ്പാര്ട്ട്മെന്റ് അസിസ്റ്റന്റ് ഡയറക്ടര് കേണല് ജാബര് മുഹമ്മദ് റാഷിദ് ഒദൈബ പറഞ്ഞു.
രാജ്യത്ത് ഡെലിവറി ബൈക്കുകളുടെ എണ്ണം വര്ദ്ധിച്ചുവെന്നത് രഹസ്യമല്ല, ഇത് സമ്പദ്വ്യവസ്ഥയ്ക്ക് നല്ലതാണ്, എന്നാല് സ്ഥിതിവിവരക്കണക്കുകള് പ്രകാരം അവയുടെ അപകടങ്ങളും അടുത്ത കാലത്തായി വര്ദ്ധിച്ചിട്ടുണ്ട്. പ്രശ്നത്തിന്റെ കാരണങ്ങള് കണ്ടെത്തുന്നതിനും പരിഹാരങ്ങള് നിര്ദ്ദേശിക്കുന്നതിനുമുള്ള ശില്പശാലയും ബോധവല്ക്കരണവും പ്രധാനമാണ്.
ട്രാഫിക് ഡിപ്പാര്ട്ട്മെന്റിന്റെയും ഹമദ് മെഡിക്കല് കോര്പ്പറേഷന്റെയും നിരീക്ഷണങ്ങളുടെയും മുന് വര്ക്ക്ഷോപ്പുകളുടെയും അടിസ്ഥാനത്തില്, ഡെലിവറി ലൊക്കേഷന് കണ്ടെത്താന് മൊബൈല് ആപ്പുകള് ഉപയോഗിക്കുന്നതിനാല് വാഹനമോടിക്കുമ്പോള് ഫോണില് ശ്രദ്ധ കേന്ദ്രീകരിക്കുന്നതാണ് ഈ അപകടങ്ങളുടെ പ്രധാന കാരണങ്ങളിലൊന്ന്.
2022 ന്റെ ആദ്യ പാദത്തില് ഹമദ് ട്രോമ സെന്റര് ചികിത്സിച്ച ഗുരുതരമായ പരിക്കുകളോടെ മോട്ടോര് സൈക്കിള് ഡെലിവറി െ്രെഡവര്മാരുടെ എണ്ണം 2021 ലെ ഇതേ കാലയളവില് ചികിത്സിച്ചതിന്റെ മൂന്നിരട്ടിയായതായി കേണല് ഒഡൈബ പറഞ്ഞു.
2022 ന്റെ ആദ്യ പാദത്തില് ഗുരുതരമായ പരിക്കുകളോടെ 93 മോട്ടോര് സൈക്കിള് ഡെലിവറി െ്രെഡവര്മാര്ക്ക് കേന്ദ്രം പരിചരണം നല്കിയിട്ടുണ്ട്, 2021 ലെ ഇതേ കാലയളവില് 29 കേസുകളാണ് ഉണ്ടായിരുന്നത് അദ്ദേഹം അഭിപ്രായപ്പെട്ടു.
