കോയമ്പത്തൂര്- തകരാറിലായ അലാറം മുഴങ്ങിയതിനെ തുടര്ന്ന് ബെംഗളൂരു-മാലദ്വീപ് വിമാനം കോയമ്പത്തൂരില് അടിയന്തരമായി ഇറക്കി. ഗോ ഫസ്റ്റ് വിമാനത്തിലാണ് എന്ജിന് അമിതമായി ചൂടാകുന്നുവെന്ന സൂചന നല്കി അലാറം മുഴങ്ങിയത്. എന്ജിനീയര്മാര് പരിശോധിച്ചപ്പോഴാണ് അലാറത്തിനാണ് തകരാറെന്നു കണ്ടെത്തിയത്. പരിശോധനകള് പൂര്ത്തിയാക്കി 92 യാത്രക്കാരുണ്ടായിരുന്ന വിമാനം വൈകിട്ട് അഞ്ച് മണിയോടെ മാലദ്വീപിലേക്ക് തിരിച്ചു.