കൊച്ചി- കുട്ടികള്ക്ക് മുന്നില് നഗ്നത പ്രദര്ശനം നടത്തിയ കേസില് നടന് ശ്രീജിത്ത് രവിക്ക് ജാമ്യം. ചികിത്സ ഉറപ്പാക്കുമെന്ന് പിതാവും ഭാര്യയും സത്യവാങ്മൂലം നല്കണമെന്ന് കോടതി നിര്ദേശിച്ചു.
കുട്ടികള്ക്ക് മുന്നില് നഗ്നത പ്രദര്ശിപ്പിച്ചുവെന്ന കേസില് തൃശൂര് വെസ്റ്റ് പോലീസാണ് ശ്രീജിത്ത് രവിയെ അറസ്റ്റ് ചെയ്തത്. എസ്.എന് പാര്ക്കിന് സമീപത്ത് വെച്ചാണ് കുട്ടികള്ക്ക് മുന്നില് നഗ്നത കാട്ടിയത്. പോക്സോ വകുപ്പുകള് ചുമത്തിയാണ് കേസെടുത്തിരുന്നത്
് 11ഉം അഞ്ചും വയസുള്ള രണ്ട് കുട്ടികള്ക്ക് മുന്നിലാണ് നടന് നഗ്നത പ്രദര്ശിപ്പിച്ചിരുന്നത്. കുട്ടികള് മാതാപിതാക്കളെ വിവരം അറിയിച്ചു. എന്നാല്, പ്രതിയെ തിരിച്ചറിയാന് കഴിഞ്ഞിരുന്നില്ല. പിന്നീട് പോലീസില് പരാതി നല്കി. സി.സി.ടി.വികള് കേന്ദ്രീകരിച്ച് നടത്തിയ അന്വേഷണത്തിലാണ് ശ്രീജിത്ത് രവിയുടെ വാഹനം പോലീസ് തിരിച്ചറിഞ്ഞത്.
ശ്രീജിത്ത് രവി മുമ്പും കുട്ടികളുടെ മുന്നില് നഗ്നത പ്രദര്ശിപ്പിച്ചതിന് കേസുണ്ടായിരുന്നു. 2016ല് സ്കൂളിലേക്ക് പോകുകയായിരുന്ന പെണ്കുട്ടികള്ക്കടുത്തെത്തി കാറിന്റെ ഡ്രൈവര് സീറ്റിലിരുന്നു നഗ്നത പ്രദര്ശിപ്പിക്കുകയും കുട്ടികള് ഉള്പ്പെടുന്ന തരത്തില് സെല്ഫി എടുക്കുകയും ചെയ്ത കേസില് അറസ്റ്റിലായിരുന്നു.